09:25 04 сакавіка 2021
«Радыё Sputnik»
  • USD2.61
  • EUR3.15
  • 100 RUB3.55
Грамадства
Атрымаць кароткую спасылку
22 0 0

Вядомая беларуская даследчыца займалася пытаннямі нацыянальнай тапанімікі.

МІНСК, 4 сак – Sputnik. Беларуская мовазнаўца Валянціна Лемцюгова пайшла з жыцця ўчора, пра гэта паведаміла старшыня Таварыства беларускай мовы Алена Анісім на сваёй старонцы ў "Фэйсбуку".

"З яе імем звязана шмат важных для Беларусі і нашай філалагічнай навукі даследаванняў. Але для мяне найперш яна была добразычлівым чалавекам, унікальнай жанчынай, выдатным навукоўцам, сапраўднай беларускай патрыёткай", — напісала ў сваім пасце Алена Анісім.

Валянціна Лемцюгова з’яўляецца рэдактарам і адным з сааўтараў нарматыўнага тапанімічнага даведніка "Назвы населеных пунктаў Рэспублікі Беларусь" у 6 кнігах, а таксама "Слоўніка мовы "Нашай Нівы" ў 5 тамах.

Яна ўзначальвала Рэспубліканскую тапанімічную камісію пры НАН Беларусі, з 1961 года працавала ў Інстытуце мовазнаўства АН БССР.

Валянціны Лемцюговай не стала на 83 годзе жыцця.

Тэги:
Смерць публічных людзей, Валянціна Лемцюгова, Беларусь

Галоўныя тэмы