"Дэкрэтны" для пап стане абавязковым у Беларусі

CC BY 2.0 / Colin Bowern / Say ahhhhh!Бацька з маленькім дзіцем
Бацька з маленькім дзіцем - Sputnik Беларусь
Падпісацца
Такі водпуск будзе прадастаўляцца тэрмінам да двух тыдняў у першыя паўгода пасля нараджэння дзіцяці.

МІНСК, 13 сак — Sputnik. Норма аб прадастаўленні бацьку дадатковага водпуску ўвайшла ў праект закона "Аб унясенні змяненняў у Працоўны кодэкс Рэспублікі Беларусь", паведаміла газета "СБ. Беларусь сегодня" са спасылкай на намесніка міністра працы і сацыяльнай абароны Аляксандра Румака.

Журналіст Анатоль Шырвель на радыё Sputnik Беларусь - Sputnik Беларусь
Радыё
Шматдзетны бацька: дзеля дзіцяці мужчына можа пабыць у цені жонкі

Раней Мінпрацы рэспублікі ўжо анансавала падобныя змены ў працоўным заканадаўстве краіны. У ведамстве такое рашэнне абгрунтавалі тым, што нават кароткачасовы "дэкрэтны" для пап у першыя месяцы нараджэння дзіцяці будзе добрай падтрымкай для жанчын.

Як заявіў Румак, патрабаванне аб прадастаўленні кароткатэрміновага дадатковага водпуску для бацькоў стане для беларускіх наймальнікаў абавязковым.

Па словах прадстаўніка Мінпрацы, такі водпуск будзе прадастаўляцца тэрмінам да двух тыдняў у першыя паўгода пасля нараджэння дзіцяці. Але пры гэтым ёсць умова — за гэты час за бацькамі ў "дэкрэтным" зарплата захоўвацца не будзе.

Аднак, як адзначыў Румак, у лакальных пагадненнях або калектыўных дагаворах аплата "дэкрэтнага", як і іншая яго працягласць, можа быць устаноўлена — гэта пытанне будзе вырашаць працадаўца.

Цяпер ПК не прадугледжвае магчымасці прадастаўлення бацьку кароткачасовага водпуску пры нараджэнні дзіцяці — работнік мае права толькі атрымаць водпуск па сямейных абставінах, працягласць якога не можа перавышаць 30 сутак на працягу каляндарнага года.

Стужка навiн
0