Смуткуем разам: беларусы пакідаюць запісы ў жалобнай кнізе пасольства

© Sputnik / Валерия БерекчиянБеларусы пакідаюць запісы ў жалобнай кнізе ў пасольстве Расіі
Беларусы пакідаюць запісы ў жалобнай кнізе ў пасольстве Расіі - Sputnik Беларусь
Падпісацца
Цэлымі сем'ямі прыходзяць людзі да дыппрадстаўніцтва Расіі ў Беларусі, каб пакінуць свае запісы ў жалобнай кнізе і кветкі каля каванай брамы амбасады.

МІНСК, 28 сак — Sputnik. Беларусы — як звычайныя грамадзяне, так і беларускія чыноўнікі — выказваюць спачуванні ў сувязі з трагедыяй у Кемерава, пакідаючы запісы ў жалобнай кнізе, адкрытай у пасольстве Расіі ў сераду.

Беларусь смуткуе разам з Расіяй, дзе 28 сакавіка абвешчана ўсенародным жалобным днём. У краіне ў сераду прыспушчаны дзяржаўныя сцягі і адменены забаўляльныя праграмы ў тэлеэфіры.

© Sputnik / Валерия БерекчиянДа пасольства Расіі ў Беларусі дзеці нясуць кветкі
К посольству России в Беларуси дети несут цветы - Sputnik Беларусь
Да пасольства Расіі ў Беларусі дзеці нясуць кветкі

У пасольстве Расіі ў Мінску адкрыта жалобная кніга. Каля каванай брамы ляжаць свежыя кветкі, каля лампады запаленыя свечкі. Людзі прыходзяць цэлымі сем'ямі, з дзецьмі, большасць з іх — з любімымі мяккімі цацкамі, якія пасля застаюцца тут.

© Sputnik / Валерия БерекчиянУ пасольстве Расіі ў Мінску адкрыта жалобная кніга
В посольстве России в Минске открыта траурная книга - Sputnik Беларусь
У пасольстве Расіі ў Мінску адкрыта жалобная кніга

"Калі б слязьмі можна было вярнуць загінулых дзяцей… А так застаецца толькі аплакваць. Сіл іх бацькам", — сказала жанчына, якая прыйшла з велізарным букетам чырвоных руж.

Для таго, каб пакінуць свой запіс у кнізе, людзі выстройваюцца ў маўклівую чаргу: адны глыбока ўздыхаюць, іншыя крадком выціраюць слёзы. Хтосьці прыносіць свежыя кветкі, каб акуратна пакласці іх каля запаленых свечак і жалобнай таблічкі. Некаторыя пакідаюць пару радкоў, не знайшоўшы слоў; хтосьці падоўгу не ўстае з-за стала, спісваючы ўсю старонку.

© Sputnik / Валерия БерекчиянСярод тых, хто пакінуў запіс у жалобнай кнізе - Надзея Ермакова
Среди оставивших запись в траурной книге - Надежда Ермакова - Sputnik Беларусь
Сярод тых, хто пакінуў запіс у жалобнай кнізе - Надзея Ермакова

Да абеду чарга з жадаючых расце, а адміністрацыя пасольства, каб змясціць усе спачуванні, дастае другую кнігу.

© Sputnik / Валерия БерекчиянПершы намеснік міністра па НС Аляксандр Худалееў ў пасольстве Расіі
Первый замминистра по ЧС Александр Худолеев в посольстве России - Sputnik Беларусь
Першы намеснік міністра па НС Аляксандр Худалееў ў пасольстве Расіі

Спачуванні родным і блізкім загінулых выказалі і беларускія чыноўнікі. У ліку першых прыйшоў старшыня Брэсцкага аблвыканкама Анатоль Ліс.

"Гэта трагедыя не толькі для Расіі, але і для Беларусі. Гэта агульны боль, яго трэба перажыць. І, як казалі прэзідэнты нашых краін, зрабіць высновы, каб гэтага не паўтарылася", — сказаў ён.

Часова выконваючы абавязкі на пасадзе старшыні Следчага камітэта Беларусі Аляксей Волкаў заявіў, што пры неабходнасці ведамства гатова аказаць любую дапамогу пры разглядзе абставінаў і расследаванні трагедыі.

"Мы па сваёй прафесіі кожны дзень сутыкаемся з чалавечай бядой, але такая колькасць загінулых дзяцей… Складана нават усвядоміць, наколькі цяжкае і вялікае гора сваякоў", — сказаў ён.

© Sputnik / Валерия БерекчиянЗапісы ў жалобнай кнізе пасольства
Записи в траурной книге посольства - Sputnik Беларусь
Запісы ў жалобнай кнізе пасольства

Міністр аховы здароўя Валерый Малашка таксама пабываў у пасольстве.

"Шчырыя спачуванні ўсяму расійскаму народу. Гэта трагедыя не толькі для сем'яў, якія страцілі блізкіх, але і для тых, хто павінен зрабіць пэўныя высновы. Мы, дактары, часта сутыкаемся са смерцю, але калі гэта — дзеці, здаровыя, у росквіце свайго развіцця, ды яшчэ ў выхадны дзень прыйшлі, каб развівацца і гуляць… Гэта цяжка змяшчаецца ў свядомасці. Мы павінны зрабіць усё, каб такога роду трагедыі не паўтараліся", — выказаўся ён.

© Sputnik / Валерия БерекчиянМіністр аховы здароўя Валерый Малашка пакінуў запіс у жалобнай кнізе
Министр здравоохранения Валерий Малашко оставил запись в траурной книге - Sputnik Беларусь
Міністр аховы здароўя Валерый Малашка пакінуў запіс у жалобнай кнізе

Ён таксама адзначыў, што Міністэрства аховы здароўя рэгулярна абследуе будынкі і збудаванні і праводзіць трэніровачныя мерапрыемствы з медперсаналам.

У пасольстве пабывалі і іншыя прадстаўнікі беларускіх ведамстваў і грамадскіх аб'яднанняў, а таксама кіраўнікі замежных дыпламатычных місій у Беларусі, у прыватнасці Сербіі, Турцыі і Туркменістана.

© Sputnik / Валерия БерекчиянЦэлымі сем"ямі прыходзяць людзі да дыппрадстаўніцтва Расіі ў Беларусі
Целыми семьями приходят люди к диппредставительству России в Беларуси - Sputnik Беларусь
Цэлымі сем"ямі прыходзяць людзі да дыппрадстаўніцтва Расіі ў Беларусі

Пажар у чатырохпавярховым гандлёва-забаўляльным цэнтры "Зімовая вішня" ў Кемерава адбыўся 25 сакавіка. У выніку трагедыі загінулі 64 чалавекі, з іх больш за 40 — дзеці.

Стужка навiн
0