22:59 25 красавіка 2018
«Радыё Sputnik»
Саджанец хвоі

Тыдзень лесу пачаўся ў Беларусі

© Sputnik / Виктор Толочко
Грамадства
Атрымаць кароткую спасылку
1310

Любы жадаючы можа звярнуцца ў бліжэйшы лясгас і прыняць удзел у акцыі: дапамагчы з уборкай лесу ці высадзіць новыя дрэвы.

МІНСК, 14 кра — Sputnik. З 14 па 21 красавіка ў Беларусі праходзіць тыдзень лесу, калі ўсе жадаючыя могуць пад кіраўніцтвам прафесіяналаў высадзіць дрэвы ці дапамагчы з уборкай лесанасаджэнняў, паведамілі Sputnik у прэс-службе міністэрства лясной гаспадаркі.

Акцыя пройдзе ўжо ў 11-ы раз, у гэтым годзе яе прымеркавалі да Года малой радзімы. Асаблівы ўпор будзе зроблены на аднаўленне лясоў, якія пацярпелі з-за нашэсця насякомых-шкоднікаў. Акцыя праводзіцца, каб прыцягнуць увагу людзей да праблем лесу і прывіць беражлівыя адносіны да яго.

"Беларусы ахвотна далучаюцца да кампаніі. Многія збіраюцца прыняць удзел у акцыі цэлымі сем'ямі. Таксама мерапрыемства актыўна падтрымліваюць прадстаўнікі бізнесу, грамадскіх аб'яднанняў, сродкаў масавай інфармацыі, органаў дзяржаўнага кіравання, кантралюючых ведамстваў, дэпутацкі корпус і іншыя", — адзначылі ў прэс-службе Мінлясгаса.

У гэтым годзе плануюць высадзіць больш за 17 мільёнаў саджанцаў, што дасць магчымасць стварыць новыя лясы на плошчы звыш 3700 гектар. Паўдзельнічаць у акцыі можа кожны жадаючы, для гэтага трэба проста звярнуцца ў бліжэйшы лясгас або лясніцтва — там валанцёрам выдадуць ўвесь неабходны інструмент і пасадачны матэрыял.

Тэги:
лес, Міністэрства лясной гаспадаркі Рэспублікі Беларусь, Беларусь
Правілы карыстанняКаментары

Галоўныя тэмы