22:52 25 красавіка 2018
«Радыё Sputnik»
Жалобныя гваздзікі

Памёр легендарны беларускі трэнер Міхаіл Цэйцін

© Sputnik / Александр Поготов
Грамадства
Атрымаць кароткую спасылку
901

Легендзе савецкага і беларускага спорту было 97 гадоў, ён працягваў выкладаць ва ўніверсітэце фізічнай культуры.

МІНСК, 15 кра — Sputnik. Вядомы савецкі і беларускі трэнер Міхаіл Цэйцін памёр на 98-м годзе жыцця, паведамілі ў нядзелю ў прэс-службе Міністэрства спорту і турызму Беларусі.

Цэйцін — майстар спорту па акрабатыцы, заслужаны трэнер СССР і Беларусі, суддзя міжнароднай катэгорыі.

Трэнер памёр у Мінску на 98-м годзе жыцця. Як распавялі ў Мінспорту, да апошняга дня Цэйцін працаваў — выкладаў у Беларускім дзяржаўным універсітэце фізічнай культуры (БДУФК), на якім трэнер працаваў з 1947 года.

Цэйцін працаваў з футбалістамі мінскага "Дынама", у тым ліку ў "залаты сезон" 1982 года. Акрамя таго, ён быў рэжысёрам многіх спартыўна-тэатралізаваных святаў у Беларусі, Расіі і нават Манголіі.

Як прызнаваўся сам Цэйцін журналістам, сталы ўзрост — не перашкода займацца фізічнай культурай і спортам. Ён быў упэўнены: менавіта дзякуючы гэтаму столькі гадоў ўдавалася захоўваць здароўе.

Тэги:
Смерць публічных людзей, Міністэрства спорту і турызму РБ, Мінск
Правілы карыстанняКаментары

Галоўныя тэмы