Насельніцтва Беларусі за квартал зменшылася на 7,5 тысяч чалавек

© Sputnik / Егор Еремов / Перайсці ў медыябанкНаведванне могілак у дзень Радуніцы
Наведванне могілак у дзень Радуніцы - Sputnik Беларусь
Падпісацца
Калі параўноўваць змяншэнне насельніцтва з колькасцю асобных гарадоў Беларусі, можна казаць, што фактычна цалкам "знік" такі райцэнтр, як Сянно, Дуброўна або Клічаў.

МІНСК, 26 кра — Sputnik. Колькасць насельніцтва Беларусі за першы квартал бягучага года зменшылася на 7,5 тысяч чалавек, сведчаць дадзеныя Нацыянальнага статыстычнага камітэта рэспублікі.

Белстат 25 красавіка апублікаваў традыцыйную квартальную справаздачу аб сацыяльна-эканамічным становішчы ў рэспубліцы ў студзені — сакавіку, у якой у тым ліку змяшчаецца інфармацыя аб дэмаграфічнай сітуацыі ў рэспубліцы.

"Колькасць насельніцтва Рэспублікі Беларусь на 1 красавіка 2018 года склала 9 484 300 чалавек", — гаворыцца ў справаздачы.

Паводле інфармацыі Белстата, такім чынам, з пачатку года колькасць людзей, якія жывуць у Беларусі, зменшылася на 7,5 тысяч чалавек.

У першым квартале бягучага года, па інфармацыі ведамства, нарадзілася 23536 дзяцей, гэта на 6,5% менш, чым за аналагічны перыяд 2017-га. Памерлі ў студзені — сакавіку 2018-га 32302 чалавекі.

Калі параўноўваць змяншэнне насельніцтва з колькасцю асобных гарадоў Беларусі, можна казаць, што фактычна цалкам "знік" такі райцэнтр, як Сянно, Дуброўна або Клічаў.

Стужка навiн
0