Саўмін вызначыў, за што дармаеды будуць плаціць "па поўнай"

© Sputnik / Виктор ТолочкоЖыроўка і грошы
Жыроўка і грошы - Sputnik Беларусь
Падпісацца
Грамадзянам, якія пакуль не працаўладкаваны, прыйдзецца аплачваць поўны сабекошт некаторых камунальных паслуг.

МІНСК, 26 кра — Sputnik. Савет міністраў Беларусі вызначыў, за што так званыя "дармаеды" будуць плаціць па поўным кошце, паведамілі Sputnik у прэс-службе беларускага ўрада.

Дармаед - Sputnik Беларусь
Лукашэнка аб новай канцэпцыі па "дармаедах": прымусіць усіх працаваць

Напачатку года прэзідэнт Беларусі Аляксандр Лукашэнка сваім дэкрэтам №1 "Аб садзейнічанні занятасці" ўнёс карэктывы ў нашумелы дэкрэт №3 "Аб папярэджанні сацыяльнага ўтрыманства". Згодна з заканадаўствам, працаздольныя, але не працаўладкаваныя жыхары Беларусі павінны будуць аплачваць некаторыя паслугі, якія прадастаўляюцца дзяржавай, па поўным кошце.

Савет міністраў вызначыў пералік паслуг, за якія дармаеды будуць плаціць больш. У спіс трапілі гарачае водазабеспячэнне (з 1 студзеня 2019), газазабеспячэнне пры наяўнасці індывідуальных газавых ацяпляльных прыбораў і цеплазабеспячэнне (з 1 кастрычніка 2019).

За гэтыя камунальныя паслугі дармаедам прыйдзецца плаціць па поўным кошце. Сёння для большасці беларусаў гэтыя паслугі адчувальна субсідуюцца, асабліва ацяпленне.

Рашэнне аб прылічэнні да "дармаедаў" будуць прымаць спецыяльна створаныя раённыя камісіі. У адрозненне ад мінулай рэдакцыі дэкрэта, цяпер многія катэгорыі грамадзян не падпадуць пад яго дзеянне — напрыклад, бацькі, якія знаходзяцца ў дэкрэце, або муж і жонка вайскоўцаў. Каго будуць адносіць да дармаедаў, Саўмін назваў раней.

Стужка навiн
0