07:25 15 лістапада 2018
«Радыё Sputnik»
  • USD2.15
  • EUR2.43
  • 100 RUB3.16
Абітурыенты, архіўнае фота

Мінадукацыі назвала алімпіяды, пасля якіх можна паступаць у ВНУ без іспытаў

© Sputnik / Виктор Толочко
Грамадства
Атрымаць кароткую спасылку
1810

У спісе па-ранейшаму 11 міжнародных алімпіяд па розных прадметах: ад рускай мовы да фізікі.

МІНСК, 11 мая — Sputnik. Міністэрства адукацыі вызначыла пералік алімпіяд, пасля перамогі ў якіх можна паступаць у беларускія ВНУ без экзаменаў, адпаведнае рашэнне ведамства было апублікавана ў пятніцу.

Спіс алімпіяд, пасля перамогі ў якіх паступіць у ВНУ можна без іспытаў, ад леташняга не адрозніваецца. У яго па-ранейшаму ўваходзяць 11 міжнародных спаборніцтваў:

  • 59-я Міжнародная матэматычная алімпіяда — 2018 год, Румынія;
  • 52-я Міжнародная Мендзялееўская алімпіяда школьнікаў па хіміі — 2018 год, Беларусь;
  • 50-я Міжнародная хімічная алімпіяда — 2018 год, Славакія і Чэхія;
  • 49-я Міжнародная фізічная алімпіяда — 2018 год, Партугалія;
  • 29-я Міжнародная біялагічная алімпіяда — 2018 год, Іран;
  • 15-я Міжнародная геаграфічная алімпіяда — 2018 год, Канада;
  • 7-я Еўрапейская матэматычная алімпіяда для дзяўчат — 2018 год, Італія;
  • 12-я Міжнародная алімпіяда па навуках аб Зямлі — 2018 год, Тайланд;
  • 14-я Міжнародная Жаўтыкоўская алімпіяда па фізіцы, матэматыцы і інфарматыцы — 2018 год, Казахстан;
  • 5-я Міжнародная геаграфічная алімпіяда школьнікаў краін Балтыйскага рэгіёну — 2018 год, Латвія;
  • Алімпіяда школьнікаў Саюзнай дзяржавы па рускай мове і рускай літаратуры "Расія і Беларусь: гістарычная і духоўная супольнасць" — 2017 год, Беларусь.

Уладальнікі дыпломаў першай, другой і трэцяй ступені гэтых алімпіяд маюць права на залічэнне ў ВНУ без экзаменаў.

Акрамя таго, Міністэрства адукацыі вызначыла спіс прадметаў трэцяга этапу рэспубліканскай алімпіяды, пераможцы якіх маюць права на залічэнне на найбольш запатрабаваныя эканомікай спецыяльнасці таксама без экзаменаў — у спіс патрапілі прадметы ад моў да працоўнага навучання. Пераможцы рэспубліканскіх алімпіяд, якія паступаюць не на "запатрабаваныя эканомікай спецыяльнасці", аўтаматычна лічацца "стобальнікамі" на ЦТ па тым прадмеце, у якім яны перамаглі.

По теме

Уступная кампанія 2018: апошнія навіны
Тэги:
Уступная кампанія, Міністэрства адукацыі РБ, Беларусь
Правілы карыстанняКаментары

Галоўныя тэмы