Амаль дзвесце бяздомных шчанюкоў вывезуць з тэрыторыі ЧАЭС у ЗША

© PixabayШчанюк
Шчанюк - Sputnik Беларусь
Падпісацца
Шчанюкі на працягу 45 дзён будуць знаходзіцца ў прытулку ў горадзе Славуціч.

МІНСК, 14 мая — Sputnik. Каля 200 бяздомных шчанюкоў вывезуць з тэрыторыі Чарнобыльскай атамнай электрастанцыі (ЧАЭС) у ЗША, паведаміла ў панядзелак дзяржаўнае агенцтва Украіны па кіраванні зонай адчужэння.

З тэрыторыі АЭС ужо пераправілі ў Штаты дванаццаць сабак. Усе неабходныя дазволы для перавозкі сабак былі атрыманы.

Арка над аб'ектам Сховішча (чацвёрты энергаблок) Чарнобыльскай атамнай электрастанцыі. - Sputnik Беларусь
Турыстаў афіцыйна запрашаюць на Чарнобыльскую АЭС за 100 долараў

Усе шчанюкі пройдуць дазіметрычны контроль і на працягу 45 дзён будуць знаходзіцца ў прытулку на аснове конна-спартыўнай базы ў горадзе Славуціч.

У мінулым годзе ў Чарнобылі адкрылі хостэл для турыстаў, якія вандруюць у зоне адчужэння. Хостэл дзейнічае на базе былога інтэрната і разлічаны на 100 месцаў.

Катастрофа на Чарнобыльскай АЭС адбылася 26 красавіка 1986 года, выбухнуў чацвёрты энергаблок станцыі. Агульная плошча радыяцыйнага забруджвання ў Беларусі склала каля 46,5 тысяч квадратных кіламетраў. Ва Украіне забруджанымі апынуліся каля 50 тысяч квадратных кіламетраў тэрыторыі ў 12 абласцях. Акрамя таго, ад радыеактыўнага забруджвання пацярпелі 19 расійскіх рэгіёнаў з тэрыторыяй амаль 60 тысяч квадратных кіламетраў і насельніцтвам 2,6 мільёна чалавек.

Стужка навiн
0