18:04 20 верасня 2018
«Радыё Sputnik»
  • USD2.09
  • EUR2.44
  • 100 RUB3.15
Гіпермаркет у Мінску

Новы закон зробіць роўнымі беларускую і рускую мовы на ўпакоўках

© Sputnik / Виктор Толочко
Грамадства
Атрымаць кароткую спасылку
2730

У новай рэдакцыі закона аб абароне правоў спажыўцоў прадугледжваецца таксама патрабаванне да памеру шрыфта ў інтэрнэт-крамах

МІНСК, 17 мая — Sputnik. Новая рэдакцыя ўводзіць патрабаванне да ўжывання беларускай і рускай мовы на этыкетцы, паведаміла дэпутат беларускага парламента Наталля Жыбуль.

"Новыя патрабаванні да афармлення тавараў прадугледжваюць выкарыстанне беларускай і/ці рускай мовы. Раней патрабаванне заключалася ва ўжыванні беларускай ці рускай мовы", — патлумачыла дэпутат.

Паводле яе слоў, асобнай навацыяй у законапраекце "Аб абароне правоў спажыўцоў" прадугледжана ўвядзенне патрабаванняў па памеры шрыфта на старонках інтэрнэт-крам.

"Законапраект прадугледжвае адмену абавязковага прадастаўлення пашпарта, калі грамадзянін скасоўвае дамову рознічнай куплі з вяртаннем грашовых сродкаў", — адзначыла Наталля Жыбуль.

Усе змены ў законапраекце звязаны са зменамі, якія адбываюцца ў паўсядзённым жыцці.

"Уводзяцца нормы, якія пацвярджаюць набыццё тавараў у інтэрнэце. Кошт тавару пры куплі за наяўныя і безнаяўныя сродкі будзе аднолькавым", — падкрэсліла дэпутат.

Гэта значыць, што кошт пры куплі тавару за наяўныя, безнаяўныя сродкі ў інтэрнэце або іншым спосабам не можа адрознівацца з-за спосабу аплаты.

Тэги:
руская мова, Беларуская мова, Беларусь
Правілы карыстанняКаментары

Галоўныя тэмы