МІНСК, 21 мая — Sputnik. Мінскія школы прымуць гэтым летам у першыя класы больш за 23 тысячы хлопчыкаў і дзяўчынак, заявіў у панядзелак на нарадзе ў Мінгарвыканкаме намеснік кіраўніка камітэта па адукацыі мэрыі Віталь Прыгодзіч.
Прыём дакументаў у першыя класы школ пачнецца 12 чэрвеня і працягнецца практычна ўсё лета — аж да 28 жніўня.
Як паведаміў у панядзелак намеснік кіраўніка камітэта па адукацыі, у гэтым годзе ў мінскія школы плануецца набраць больш за 23 тысячы першакласнікаў. У мінулым годзе гэтая лічба была менш — крыху больш за 22 тысячы хлопчыкаў і дзяўчынак.
Каб аддаць дзіця ў школу, бацькам трэба будзе напісаць заяву на імя дырэктара, даць меддаведку, копію пасведчання аб нараджэнні і пашпарта аднаго з законных прадстаўнікоў.
Чыноўнік таксама нагадаў, што ў гэтым годзе ўступныя экзамены у пятыя класы праводзіцца не будуць — рабяты будуць вучыцца там па прапісцы.
