22:02 17 лістапада 2018
«Радыё Sputnik»
  • USD2.11
  • EUR2.40
  • 100 RUB3.20
У школьным класе, архіўнае фота

Мінгарвыканкам папрасіў не ствараць ажыятаж пры выбары гімназіі

© Sputnik Марина Серебрякова
Грамадства
Атрымаць кароткую спасылку
9320

Усяго тры сталічныя гімназіі пакуль не змогуць набраць першакласнікаў - у асноўным гэта звязана з адсутнасцю адпаведных умоў размяшчэння.

МІНСК, 23 мая — Sputnik. Амаль усе сталічныя гімназіі аб'явілі аб наборы ў першыя класы, паведаміла на прэс-канферэнцыі ў Мінску намеснік начальніка аддзела дашкольнай, агульнай сярэдняй і спецыяльнай адукацыі камітэта па адукацыі Мінгарвыканкама Наталля Іванова.

"Раней у Мінску ў пяці гімназіях не было пачатковай школы. У двух з іх будуць адкрыты першыя класы і будзе праводзіцца набор вучняў — гэта гімназіі №27 і №13 Фрунзенскага раёна. У трох гімназіях №41, №42 і №25 пакуль не плануецца набор першых класаў. У кожнай з гэтых гімназій ёсць асаблівыя прычыны, чаму гэта пакуль немагчыма… Звязана гэта часцей за ўсё з капітальнымі рамонтамі і з умовамі размяшчэння", — патлумачыла Іванова.

Пытанне аб наборы ў пачатковую школу гімназій паўстала ў сувязі са зменамі, якія пачнуць дзейнічаць з новага навучальнага года: адменай ўступных экзаменаў у гімназічныя класы на другой ступені адукацыі і увядзеннем адзіных праграм для агульнаадукацыйных школ і гімназій аж да 10-х класаў.

Іванова назвала надуманай праблему з пагоняй за рэгістрацыяй, калі некаторыя бацькі, каб уладкаваць дзіця ў першы клас прэстыжнай гімназіі, шукаюць спосабы прапісацца ў бліжэйшых дамах.

"Неабходнасць такіх дзеянняў выклікае вялікія сумненні. Існуе пастанова аб правядзенні ўліку дзяцей, якія жывуць у мікрараёне. Такі ўлік праводзіцца. Мы ведаем, колькі дзяцей мы чакаем. І паверце — ні адзін з дамоў Мінска, ні адзін з хлопцаў ці дзяўчат не застаўся без месца", — заўважыла Іванова.

Яна нагадала, што пры наяўнасці свабодных месцаў у школе трапіць сюды ў першы клас можна і без наяўнасці рэгістрацыі.

"Калі свабодных месцаў ва ўстанове адукацыі няма, то незалежна ад таго, прапісаныя вы ці не, сцены ніхто не рассуне і на галовы мы дзетак не пасадзім. Адпаведна, ёсць вольныя месцы, вы можаце прыйсці, пакінуць заяву, і ваша заява будзе разгледжана", — заўважыла прадстаўнік Камітэта па адукацыі Мінгарвыканкама.

Яна папрасіла бацькоў не ствараць ажыятаж і пры выбары ўстановы адукацыі ўлічваць інтарэсы дзіцяці — у тым ліку і тое, як яно будзе дабірацца да школы.

У новым навучальным годзе мінскія школы чакаюць больш за 23 тысячы першакласнікаў.

По теме

Мінадукацыі патлумачыла, у чым будзе розніца паміж гімназіямі і школамі
Лівянт: у чэрвені нас чакаюць канфлікты у кожнай гімназіі
Па Кодэксе экзамены ёсць, па ўказе - не: што будзе з гімназіямі?
Тэги:
гімназія, Мінгарвыканкам, Беларусь
Правілы карыстанняКаментары

Галоўныя тэмы