17:08 18 верасня 2018
«Радыё Sputnik»
  • USD2.12
  • EUR2.48
  • 100 RUB3.14
Жалобныя гваздзікі

Пайшоў з жыцця гісторык Арсень Ліс

© Sputnik / Александр Поготов
Грамадства
Атрымаць кароткую спасылку
2101

Беларускаму гісторыку і літаратуразнаўцы было 84 гады, у апошнія часы ён вельмі хварэў.

МІНСК, 29 мая — Sputnik. Беларускі літаратуразнаўца, фалькларыст і гісторык Арсень Ліс памёр на 85-м годзе жыцця, аб гэтым на сваёй старонцы ў Фэйсбуку паведаміла гісторык Ніна Стужынская.

Арсень Сяргеевіч Ліс нарадзіўся 4 лютага 1934 года у Вётхаве (сёння гэта Смаргонскі раён). Доўгі час працаваў у Інстытуце мастацтвазнаўства, этнаграфіі і фальклору Нацыянальнай акадэміі навук Беларусі.

Гісторык даследаваў традацыйную культуру беларусаў, літаратуру, гісторыю і перыядычны друк Заходняй Беларусі, а таксама жыццё і дзейнасць дзеячаў беларускага нацыянальна-вызваленчага руха. З 2004 па 2008 год быў членам экспертнага савета ВАК.

Лісу належыць аўтарства манаграфій "Браніслаў Тарашкевіч", "Вечны вандроўнік: нарыс пра мастака Язэпа Драздовіча" і многіх іншых.

За дасягненні гісторык атрымаў Дзяржаўную прэмію БССР у 1986 годзе, стаў лаўрэатам літаратурнай прэміі імя Максіма Гарэцкага за кнігу "Цяжкая дарога свабоды" ў 1994 годзе, а таксама ўладальнікам медаля Язэпа Драздовіча "за руплівасць на ніве беларускага мастацтва".

Тэги:
Смерць публічных людзей, Арсень Ліс, Беларусь
Правілы карыстанняКаментары

Галоўныя тэмы