19:16 19 чэрвеня 2018
«Радыё Sputnik»
  • USD2.02
  • EUR2.33
  • 100 RUB3.14
Праца за ноутбукам, архіўнае фота

Мінадукацыі зоймецца беларускай IT-адукацыяй

© Pexels
Грамадства
Атрымаць кароткую спасылку
10 0 0

Ведамства хоча максімальна наблізіць змест адукацыйных праграм да працы IT-сектара.

МІНСК, 1 чэр — Sputnik. Сектаральны савет па IT-адукацыі ствараецца ў Беларусі, паведаміў журналістам міністр адукацыі Ігар Карпенка.

"Мы сур'ёзна паглядзім на змест IT-адукацыі — як прафесійнай, так і школьнай", — сказаў Карпенка.

Савет будзе створаны на базе Мінадукацыі, Міністэрства сувязі і інфарматызацыі і Парку высокіх тэхналогій (ПВТ). Яго члены прааналізуюць навучальныя планы і праграмы звязаных з IT спецыяльнасцяў.

Карпенка выказаў здагадку, што трэба адмовіцца ад жорсткага навучальнага плана па курсе інфарматыкі ў сярэдняй школе.

"Можа быць, варта выпрацаваць нейкі спіс кампетэнцый, якімі павінен валодаць навучэнец пасля завяршэння агульнай сярэдняй школы", — адзначыў міністр.

У новую рэдакцыю Кодэкса аб адукацыі закладзена такое паняцце, як прыкладны навучальны план. Гэта дазволіць самому ВНУ па пэўных адсоткавых суадносінах вучэбных гадзін карэктаваць змест адукацыі з улікам пажадання заказчыкаў кадраў.

Міністэрства адукацыі ўжо правяло перамовы з некаторымі рэзідэнтамі ПВТ.

Тэги:
IT-тэхналогіі, Адукацыя, Міністэрства адукацыі РБ, Ігар Карпенка, Беларусь
Правілы карыстанняКаментары

Галоўныя тэмы