ЦТ па біялогіі: аднаго абітурыента выдалілі за мабільнік

© Sputnik / Виктор ТолочкоЦТ
ЦТ - Sputnik Беларусь
Падпісацца
Усяго ЦТ па біялогіі ў сераду прайшлі 25 757 абітурыентаў - 95,4% ад агульнай колькасці зарэгістраваных.

МІНСК, 21 чэр — Sputnik. Адзін абітурыент быў выдалены з ЦТ па біялогіі за выкарыстанне мабільнага тэлефона, паведаміў Sputnik у сераду кіраўнік прэс-службы Камітэта дзяржкантролю Кірыл Данілаў.

Абітурыенты на ЦТ - Sputnik Беларусь
ЦТ па матэматыцы 2018: дваіх выдалілі, 2 тыс. чалавек не прыйшлі

Цэнтралізаванае тэсціраванне па біялогіі прайшло ў Беларусі ў сераду. Усяго на выпрабаванне быў зарэгістраваны 27 001 абітурыент.

"Два абітурыенты не змаглі завяршыць тэсціраванне: адзін — па стане здароўя, другі — за выкарыстанне мабільнага тэлефона", — распавёў Sputnik Данілаў і дадаў, што "спісывальшчык" быў заўважаны ў Бабруйску.

З'явіліся на ЦТ 25757 чалавек — гэта значыць 95,4% ад тых, хто зарэгістраваўся. Такім чынам, "прагулялі" тэсціраванне 1244 абітурыенты.

Выдаленыя за парушэнне правілаў ЦТ абітурыенты не маюць права пераздаваць іспыты ў рэзервовыя дні. Тыя ж, хто не змог прайсці па ўважлівых прычынах, у тым ліку па стане здароўя, могуць паспрабаваць здаць тэст пазней.

Наступнае ЦТ пройдзе ў пятніцу 22 чэрвеня — па замежных мовах. Абітурыенты будуць здаваць іспыты па англійскай, нямецкай, іспанскай, французскай і кітайскай мовах.

Стужка навiн
0