05:16 14 лістапада 2018
«Радыё Sputnik»
  • USD2.14
  • EUR2.41
  • 100 RUB3.17
Пісьменнік Эдуард Успенскі

Памёр пісьменнік Эдуард Успенскі

© Sputnik / Кирилл Каллиников
Грамадства
Атрымаць кароткую спасылку
2101

Вядомаму пісьменніку было 80 гадоў, прычынай яго смерці называюць цяжкую хваробу.

МІНСК, 15 жні — Sputnik. Вядомы дзіцячы пісьменнік Эдуард Успенскі памёр на 81-м годзе жыцця, паведамілі ў эфіры тэлеканала "Масква 24".

Апошнія два тыдні класік дзіцячай літаратуры не ўставаў з ложка з-за цяжкай хваробы. Чым канкрэтна хварэў Успенскі, афіцыйна не паведамляецца.

Пра смерць Эдуарда Успенскага стала вядома позна вечарам у аўторак. Як паведамляе Telegram-канал Mash, пісьменнік памёр у сябе дома ў Новай Маскве. Смерць аўтара пацвердзіла і яго жонка.

Эдуард Успенскі — класік савецкай і расійскай дзіцячай літаратуры. Ён з'яўляецца аўтарам любімых мільёнамі дзяцей і дарослых гісторый пра кракадзіла Гену, а таксама дзядзьку Фёдара і ката Матроскін. Апроч літаратурных твораў, вядомы Успенскі і як аўтар сцэнарыяў да многіх анімацыйных і поўнаметражных фільмаў сярод якіх "Баба-Яга супраць!" і дзесяткі іншых.

Успенскі нарадзіўся 22 снежня 1937 года ў Ягор'еўску (Маскоўская вобласць). Першая кніга аўтара — "Кракадзіл Гена і яго сябры" — пабачыла свет у 1966 годзе. З тых часоў ён напісаў дзесяткі твораў, апошні — "Прывід з Прастаквашына" — выйшаў у 2011 годзе. Апошнія гады ў пісьменніка быў сур'ёзны канфлікт з "Саюзмультфільм" — ён быў незадаволены выпускам новых серый мультсерыяла пра Прастаквашына.

Тэги:
Смерць публічных людзей, Эдуард Успенскі, Расія
Правілы карыстанняКаментары

Галоўныя тэмы