19:32 16 лістапада 2018
«Радыё Sputnik»
  • USD2.11
  • EUR2.40
  • 100 RUB3.20
Мікалай Кірычэнка ў вестыбюлі Купалаўскага тэатра

Развітанне з Мікалаем Кірычэнкам пройдзе ў Купалаўскім тэатры

© Sputnik Виктор Толочко
Грамадства
Атрымаць кароткую спасылку
1410

Цырымонія пройдзе ў сценах тэатра, з якім цесна было звязана жыццё і кар'ера беларускага артыста.

МІНСК, 15 жні — Sputnik. Цырымонія развітання з народным артыстам Беларусі Мікалаем Кірычэнкам пройдзе ў Нацыянальным акадэмічным тэатры Янкі Купалы 16 жніўня, паведамілі карэспандэнту Sputnik у тэатры.

Мікалай Кірычэнка нарадзіўся горадзе Маладзечна ў сям'і вайскоўца. Творчы шлях пачынаў у Брэсцкім абласным тэатры драмы, а з 1971 года і да цяперашняга часу працаваў на сцэне Купалаўскага. Напярэдадні стала вядома, што акцёр памёр на 73-м годзе жыцця.

"Цырымонія развітання пачнецца ў 10:00, афіцыйная частка запланавана з 12:00 да 12:30", — адзначылі ў прыёмнай дырэктара тэатра.

На яго творчым рахунку — дзесяткі тэатральных і кінароляў, сярод якіх Ягайла ў спектаклі "Князь Вітаўт", Палоній у шэкспіраўскім "Гамлеце" і Лаўрэнцій Берыя ў фільме "У жніўні 44-га…".

Апошняй роляй знакамітага артыста стаў вобраз Васіля Ігнатавіча ў спектаклі рэжысёра Алены Ганум "Зямля Эльзы" па п'есе драматурга Яраславы Пуліновіч.

Акцёр неаднаразова станавіўся прызёрам розных тэатральных конкурсаў і фестываляў, з'яўляецца лаўрэатам спецыяльнай прэміі прэзідэнта Беларусі, а ў 2006 годзе атрымаў званне народнага артыста.

Тэги:
Смерць публічных людзей, Нацыянальны акадэмічны тэатр імя Янкі Купалы, Мікалай Кірычэнка, Беларусь
Правілы карыстанняКаментары

Галоўныя тэмы