04:48 20 верасня 2018
«Радыё Sputnik»
  • USD2.10
  • EUR2.46
  • 100 RUB3.14
Пасол Беларусі ў Францыі Павел Латушка

Не толькі Zara: Латушка расказаў аб супрацоўніцтве Беларусі і Іспаніі

© Sputnik / Елена Васильева
Грамадства
Атрымаць кароткую спасылку
810

Акрэдытаваны па сумяшчальніцтве ў Іспаніі пасол Беларусі па Францыі працягвае будаваць дыпламатыю на культуры.

МІНСК, 12 вер - Sputnik. Беларусь пачала пастаўляць на іспанскі рынак мэблю, а іспанская кампанія Inditex парадавала адкрыццём сваіх крамаў беларусаў.

Пра тое, як Іспанія і Беларусь пазнаюць адна адну, распавёў на прэс-брыфінгу надзвычайны і паўнамоцны пасол Францыі, акрэдытаваны па сумяшчальніцтву ў Іспаніі, Партугаліі і Манака.

Мы ім мэблю, яны нам Zara

"Мы фактычна адкрываем гандлёва-эканамічныя магчымасці для дзвюх краін", - лічыць Латушка.

Развіваюцца і гандлёвыя адносіны. Латушка нагадаў аб адкрыцці буйной гандлёвай сеткі іспанскай кампаніі Inditex.

"Гэта іспанскія гандлёвыя маркі "нумар адзін". Нашы дзяўчаты, жанчыны вельмі чакалі гэтага адкрыцця. Гэта таксама інвестыцыі, гаворка ідзе і аб арэндзе памяшканняў, і аб набыцці нерухомасці, і аб працаўладкаванні беларусаў", - сказаў Латушка.

Ён прызнаў, што адкрыццё крам гэтай сеткі ў Мінску сведчыць аб тым, што і іншыя іспанскія маркі могуць пайсці ўслед за гэтай кампаніяй у Беларусь.

Расце і экспарт Беларусі ў Іспанію. За апошнія чатыры гады ў гэтую частку Пірэнэйскага паўвострава ён вырас на 60%. У Іспаніі пачала прадавацца беларуская мэбля, іншыя тавары дрэваапрацоўкі, традыцыйна прадаюць азотныя ўгнаенні.

Дыпламатыю на культуры пабудуеш

На днях у пасольстве атрымалі прапанову ад музея іспанскага горада Малагі, у якім нарадзіўся Пікаса, аб арганізацыі чарговай выставы работ мастака ў Мінску, і гэта не адзіны прыклад супрацоўніцтва дзвюх краін праз культуру. Па ініцыятыве Латушкі была арганізавана серыя мерапрыемстваў па спазнанню дзвюма краінамі адна адной "Беларусь-Іспанія: крок насустрач".

"У музеі Эль Грэка ў Таледа прайшла выстава калекцыі праваслаўнай іконы XVII стагоддзя Нацыянальнага мастацкага музея, а ў Мінску паказаны работы Гойі і Пікаса са збораў Каралеўскай акадэміі выяўленчага мастацтва Сан-Фернанда. Хор Беларускай дзяржаўнай акадэміі музыкі выступіў у розных гарадах Іспаніі", - распавёў Латушка.

Пасольства Беларусі ў Іспаніі арганізавала шэраг мерапрыемстваў, закліканых наладзіць сувязі паміж дзвюма краінамі праз пазнанне культуры адна адной. Канцэрт з удзелам вядомага ў Еўропе Тэатра Фламенка пад кіраўніцтвам харэографа Франа Чафіна з Малагі і джаз-бэнда Eliseo LLoreda Quintet пасольства арганізавала ўчора ў Белдзяржфілармоніі.

Тэги:
Павел Латушка, Беларусь, Іспанія
Правілы карыстанняКаментары

Галоўныя тэмы