02:30 24 верасня 2018
«Радыё Sputnik»
  • USD2.08
  • EUR2.45
  • 100 RUB3.14
Журавіны

Жураўлі і журавіны: што чакае гасцей знакамітага фестывалю ў Міёрах

© Sputnik / Сергей Лескеть
Грамадства
Атрымаць кароткую спасылку
2110

Паназіраць за жураўлямі і пазмагацца за званне лепшага зборшчыка журавін запрашаюць на адно з буйнейшых балот Беларусі.

МІНСК, 12 вер — Sputnik. Конкурс па збору журавін, стравы нацыянальный кухні і экалагічныя экскурсіі падрыхтавалі арганізатары для наведвальнікаў фестываля "Жураўлі і журавіны Міёрскага краю". У гэтым годзе свята пройдзе 16 верасня, паведамілі ў Міёрскім райвыканкаме.

Традыцыйна падчас фестываля пройдзе кірмаш вырабаў народных майстроў "Жураўліная скарбонка", дзе госці змогуць не толькі набыць прыгожыя беларускія сувеніры, але і паўдзельнічаць у іх вытворчасці. Свята будзе суправаджацца спевамі і музыкай ад мясцовых калектываў.

Самыя цікаўныя госці змогуць паназіраць за жураўлямі ў іх натуральным асяродку пражывання. Экскурсіі правядуць прафесійныя арнітолагі.

Экалагічнае свята "Жураўлі і журавіны Міёрскага краю" праводзіцца з 2012 года. Месца правядзення абрана невыпадкова: у верасні пачынаецца сезон збору журавін, а мясцовае балота Ельня па запасах гэтых ягад займае першае ў Беларусі месца. Акрамя таго, штогод сюды прыязджае каля 4 тысяч жураўлёў і гусей розных відаў.

Тэги:
"Жураўлі і журавіны", Міёрскі раён

Галоўныя тэмы