03:16 24 верасня 2018
«Радыё Sputnik»
  • USD2.08
  • EUR2.45
  • 100 RUB3.14
Аўдыторыя ў Акадэміі кіравання пры прэзідэнце Рэспублікі Беларусь

Дэпутат Барадзеня стаў прарэктарам Акадэміі кіравання

© Фото: Академия управления при президенте РБ
Грамадства
Атрымаць кароткую спасылку
710

Свае дэпутацкія функцыі Валерый Барадзеня працягне выконваць да заканчэння тэрміну дзеяння мандата.

МІНСК, 14 вер — Sputnik. Дэпутат Палаты прадстаўнікоў Беларусі Валерый Барадзеня прызначаны першым прарэктарам Акадэміі кіравання пры прэзідэнце, паведамляе Sputnik.

Валерый Барадзеня — намеснік старшыні Пастаяннай камісіі па бюджэце і фінансах беларускага парламента.

Депутат Валерий Бороденя, архивное фото
© Sputnik / Tolochko Victor
Дэпутат Палаты прадстаўнікоў Беларусі Валерый Барадзеня

Як высветліў Sputnik, зараз у Барадзені ёсць яшчэ адна праца — ён прызначаны першым прарэктарам Акадэміі кіравання пры прэзідэнце. Адначасова ён захавае і дэпутацкі мандат — як растлумачылі ў Палаце прадстаўнікоў, Барадзеня будзе працаваць да канца тэрміну.

Беларускім дэпутатам забараняецца выконваць любую аплачваную працу, аднак выключэнні робяцца для педагагічнай, навуковай, культурнай сфер, а таксама творчай дзейнасці і медыцынскай практыкі.

Дэпутат Барадзеня прадстаўляе Васняцоўскую выбарчую акругу (Мінск), у Палаце прадстаўнікоў ён працуе ўжо другі тэрмін запар.

Да абрання дэпутатам Барадзеня меў досвед працы ў вышэйшых навучальных установах, у тым ліку, узначальваў факультэт маркетынгу Беларускага дзяржаўнага эканамічнага ўніверсітэта (БДЭУ).

Прэзідэнт Беларусі Аляксандр Лукашэнка ў гэтым годзе заявіў пра неабходнасць зрабіць з Акадэміі кіравання адну з вядучых ВНУ краіны. Змяніўся ў гэтым годзе і рэктар установы — ім стаў былы кіраўнік Вышэйшай атэстацыйнай камісіі Генадзь Пальчык.

Галоўныя тэмы