МІНСК, 13 кас - Sputnik. Беларускі лідар Аляксандр Лукашэнка павіншаваў суайчынніц з Днём маці, паведамілі ў прэс-службе кіраўніка дзяржавы.
"З першых дзён жыцця мы захоўваем у душы, як святыню, памяць аб бацькоўскім доме і дзяцінстве. І ўсё гэта звязана з імем Маці - першым настаўнікам, мудрым дарадцам і самым адданым сябрам", - гаворыцца ў віншаванні.
Прэзідэнт адзначыў, што толькі жанчыны ведаюць, колькі сіл патрабуецца на перажыванні і штодзённыя матчыны клопаты. Але беларускі выконваюць сваё прызначэнне з вялікай годнасцю, незвычайным цярпеннем і самааддачай. Абсалютная любоў маці, лічыць кіраўнік дзяржавы, з'яўляецца галоўнай абаронай і асновай дабрабыту сем'яў і, такім чынам, усёй краіны.
"Падтрымка шматдзетных бацькоў, жанчын - захавальніц сямейнага ачага - заўсёды будзе сярод галоўных прыярытэтаў дзяржаўнай палітыкі", - падкрэсліў Лукашэнка.
Ён таксама падзякаваў суайчынніцам за сучаснасць і будучыню Беларусі, якая бачыцца ў дзецях. Кіраўнік дзяржавы пажадаў, каб яны заўсёды былі здаровыя і сагравалі сэрцы маці сваімі ўсмешкамі.
