МІНСК, 17 кас - Sputnik. Сталіца Беларусі ўвайшла ў тройку самых чыстых гарадоў свету паводле рэйтынга амерыканскага інтэрнэт-рэсурса фінансавых і аналітычных навін The Street.
Усяго ў спіс увайшло 30 гарадоў. На першым месцы размясціўся Сінгапур, на другім - Токіа, трэцяе дасталася Мінску.
Адзначаецца, што беларуская сталіца часта рэкламуецца турыстычнымі сайтамі як самы чысты горад у свеце.
"Працавітыя работнікі клапоцяцца пра шматлікія паркі горада і рэгулярна падтрымліваюць на вуліцах бліскучую чысціню", - гаворыцца ў апісанні Мінска.
У дзясятку лідараў таксама ўвайшлі Кіёта (Японія), Казань (Расія), Медзіна (Саудаўская Аравія), Абу-Дабі (ААЭ), Тайбэй (Тайвань), Цюрых (Швейцарыя), Стакгольм (Швецыя). Замыкае рэйтынг амерыканскі Бостан. Расійская сталіца атрымала 14 месца.
Складальнікі патлумачылі, што пры стварэнні рэйтынгу бралі за аснову водгукі турыстаў і ацэнкі карыстальнікаў браніравання жылля Booking.com.
