МІНСК, 18 кас - Sputnik. Цяжкасці для руху транспарту магчымыя ў пункце пропуску "Каменны Лог" на мяжы з Літвой, паведамілі ў Дзяржпагранкамітэце Беларусі.
Абмежаванні звязаны з заменай дарожнага пакрыцця.
"18 і 19 кастрычніка ў перыяд з 09:00 да 18:00 на тэрыторыі паміж пунктамі пропуску "Каменны Лог" (Беларусь) і "Мядзінінкай" (Літва) будуць праводзіцца працы па замене дарожнага пакрыцця", - распавялі ў прэс-службе ДПК .
Дзяржпагранкамітэт папярэдзіў пра магчымыя нязручнасці ва ўказаны перыяд для тых, хто збіраецца перасякаць мяжу, а таксама папрасіў па магчымасці выбіраць альтэрнатыўныя маршруты руху на гэты час.
Нагадаем, што у 2019 годзе пункт пропуску "Каменны Лог" чакае рэканструкцыя. Яна прадугледжвае рэверсіўную канальную сістэму афармлення транспартных сродкаў, а таксама выкарыстанне тэхналогіі аўтаматызаванага размеркавання аўтамабіляў па месцах стаянкі.
Мяркуецца, што пасля рэканструкцыі праз ПП у суткі зможа праязджаць да 6 тысяч транспартных сродкаў, з іх 3,5 тысячы - легкавых аўтамабіляў, 2,4 тысячы грузавых і 100 аўтобусаў.
