19:59 18 лістапада 2018
«Радыё Sputnik»
  • USD2.11
  • EUR2.40
  • 100 RUB3.20
Студэнтка ГрДУ Аляксандра Радковіч

За родную мову: студэнтка распавяла, як Лукашэнка дарыў ёй асадку

предоставлено Александрой Радкович
Грамадства
Атрымаць кароткую спасылку
20730

Дзяўчына ўжо з'ехала ў родны Слонім - паказваць сувенір ад прэзідэнта, асадку яна вырашыла захаваць на ўдачу.

ГРОДНА, 20 кас - Sputnik, Іна Грышук. Студэнтка ГрДУ Аляксандра Радковіч пасля прыезду ў Гродна Лукашэнкі стала адзінай у горадзе вучаніцай, у якой ёсць эксклюзіўная прэзідэнцкая асадка. Sputnik пагутарыў з уладальніцай эксклюзіўнага падарунка.

Радковіч была ўдзельніцай сустрэчы прэзідэнта з таленавітай моладдзю, якая праходзіла падчас афіцыйнага візіту кіраўніка дзяржавы ў Гродне 19 кастрычніка ў ГрДУ. Кадры, на якіх захаваны нечаканы падарунак ад першай асобы краіны, напярэдадні паказалі ўсе цэнтральныя тэлеканалы.

Як распавяла дзяўчына, усё выйшла зусім спантанна. Падчас завяршэння сустрэчы яна разам з аднакурснікамі ўручала прэзідэнту ад імя студэнтаў і выкладчыкаў універсітэта падарунак - альбом ручной працы са знакамітымі асобамі, дзейнасць якіх звязана з Гродзеншчынай.

Калі рабяты ўручылі альбом, прэзідэнт зрабіў зваротны падарунак асабіста Аляксандры. Дзяўчына прызналася, што гэты жэст з боку кіраўніка дзяржавы стаў такім нечаканым і хвалюючым, што яна нават не можа даслоўна ўспомніць, што ёй сказаў Аляксандр Рыгоравіч. Падчас мерапрыемства, калі студэнты задавалі пытанні прэзідэнту, размова ішла на рускай мове. А пры ўручэнні альбома дзяўчына перайшла на беларускую мову, бо яна вучыцца на беларускай філалогіі.

"Калі я сказала: "Паважаны Аляксандр Рыгоравіч..." ён адразу заўсміхаўся і сказаў: "Ну нарэшце, на роднай мове" і пачаў мяне ўважліва слухаць. І пасля гэтага падарыў асадку, сказаў: "Тады гэты падарунак табе", - успамінае Аляксандра.

Калі дзяўчына адчыніла падарунак, аказалася, што ў футарале - пёравая асадка дарагога італьянскага брэнда. Прэзідэнцкая асадка пазалочана, на каўпачку можна ўбачыць гравіроўку беларускага герба, на самой ручцы - выява беларускага арнаменту. На пяры выгравіравана назва брэнда Montegrappa, кошт на вырабы якога могуць даходзіць да некалькіх тысяч долараў.

Та самая ручка, которую Лукашенко подарил студентке ГрГУ
предоставлено Александрой Радкович
Тая самая асадка, якую Лукашэнка падарыў студэнтцы ГрДУ

"Прачытала, што фірма, якая выпускае гэтыя ручкі працуе з 1912 года. Напэўна, мне дастаўся не толькі вельмі каштоўны, але і досыць дарагі сувенір", - прызналася дзяўчына.

На выхадных яна адправілася дадому ў родны Слонім, каб паказаць прэзідэнцкую асадку бацькам і сваякам. Пасля выпуску навін, родныя і сябры бясконца тэлефануюць і віншуюць яе. Як распарадзіцца эксклюзіўным падарункам, дзяўчына яшчэ не вырашыла.

"Лекцыі гэтай асадкай пісаць дакладна не буду. Спадзяюся, што яна прынясе мне поспех", - дадала Аляксандра.

Аляксандра Радковіч вучыцца на трэцім курсе філалагічнага факультэта ГрДУ імя Янкі Купалы, пасля заканчэння ўніверсітэта хоча звязаць сваё жыццё з журналістыкай. Дзяўчына добра вучыцца, атрымлівае павышаную стыпендыю, актыўна ўдзельнічае ў грамадскім жыцці ўніверсітэта, займаецца навуковай працай. У мінулым годзе Аляксандра Радковіч перамагла ў рэспубліканскім конкурсе "Студэнт года-2017".

Тэги:
студэнты, Гродзенскі дзяржаўны ўніверсітэт імя Я.Купалы, Гродна, Аляксандр Лукашэнка
Правілы карыстанняКаментары

Галоўныя тэмы