МІНСК, 22 кас - Sputnik. Тыдзень беларускай кухні праходзіць у Мінску з сённяшняга дня па 28 кастрычніка, паведамілі ў галоўным упраўленні спажывецкага рынку Мінгарвыканкама.
Тыднёвае свята нацыянальных страў праходзіць у беларускай сталіцы ўжо ў васемнаццаты раз. Цяпер у ім прымаюць удзел 66 аб’ектаў грамадскага харчавання. Усе яны прытрымліваюцца агульнага прынцыпа – адзіная рэцэптура і адзіны кошт стравы незалежны ад класа ўстановы.
Мінчане і госці горада змогуць пакаштаваць пяць беларускіх страў – салата з курыцы з агароднінай і мядова-гарчычнай заправай, салянка шляхецкая, бужаніна з печанай агароднінай і смятанным соусам, калдуны з бульбы з мясам і смятанай, а таксама запечаны яблык з тварожнымі блінамі.
Чытайце таксама:
- Смачна есці, мякка сесці: беларускія народныя прысмакі ў фотаздымках
- Кухня нашых продкаў: гатуем прыправы для непаўторнага смаку страў
- Бурачны дзень, або Як зварыць беларускі боршч
