"Вышка" не абавязковая: большасць вакансій у краіне не патрабуе дыплома

© Sputnik / Мария АмелинаРабочыя на працы
Рабочыя на працы - Sputnik Беларусь
Падпісацца
У самым вялікім дэфіцыце - кадры з сярэдняй спецыяльнай адукацыяй або і зусім некваліфікаваныя.

Колькасць вакансій у Беларусі працягвае заставацца на высокім узроўні: па дадзеных на раніцу панядзелка, у Рэспубліканскім банку Мінпрацы зарэгістравана больш за 83 тысяч месцаў. Супрацоўнікаў шукаюць на розныя пасады - ад падсобных рабочых і да кіраўнікоў.

Абітурыенты на ЦТ - Sputnik Беларусь
Вельмі дзіўныя балы. Што не так з новай сістэмай ацэнкі ЦТ?

Хто ў вялікім дэфіцыце?

Найбольш запатрабаваныя сёння ў Беларусі прафесіі "сярэдняга звяна". Так, краіне не хапае амаль трох тысяч медыцынскіх сясцёр. Заробак ім абяцаюць ад 76,25 да 802 рублёў, больш за ўсё - у прыватных медцэнтрах.

Шукаюць працадаўцы і 2150 прадаўцоў. У залежнасці ад наймальніка і характару працы заробак абяцаюць ад 80 да 900 рублёў, з магчымасцю прэмій і надбавак. Неабходныя і 2018 падсобных рабочых на заробак ад 76 да 1400 рублёў, больш за ўсё - на вытворчых прадпрыемствах.

Таксама Беларусі патрэбныя амаль 1900 прыбіральшчыкаў на заробак ад 61 да 950 рублёў і паўтары тысячы кухараў, якім абяцаюць ад 36,60 да 1600 рублёў. Самыя вялікія даходы кухару абяцаюць у адной з мінскіх гасцініц.

Патрэбны дыплом?

Як відаць з аналізу дадзеных Рэспубліканскага банка вакансій, востры недахоп адчуваюць працадаўцы менавіта ў "працоўных" спецыяльнасцях, для якіх не трэба спецыяльнай адукацыі.

Вучні перад пачаткам экзамена - Sputnik Беларусь
Выпускныя экзамены ў беларускіх школах зменяць

Узровень адукацыі "агульны сярэдні" як патрабаванне выстаўляюць больш 30,5 тысяч працадаўцаў. Яшчэ амаль дваццаць тысяч - для тых суіскальнікаў, у якіх ёсць прафесійна-тэхнічная адукацыя. Крыху больш за 15 тысяч месцаў - для беларусаў з сярэдняй спецыяльнай адукацыяй.

Абавязковая вышэйшая адукацая трэба толькі ў 15 тысячах вакансій. Цікава, што некалькі дзясяткаў месцаў адкрыты і для суіскальнікаў з "паслявузаўскай" адукацыяй, аднак гэта, мяркуючы па ўсім, памылка: з падобным узроўнем шукаюць трактарыстаў, швачак і механізатараў.

Цікава, што праблемай забеспячэння рынку працы кадрамі з прафесійна-тэхнічнай адукацыяй займаюцца не першы год і чыноўнікі: колькасць месцаў у ПТА і ССНУ расце, улады актыўна спрабуюць прыцягнуць моладзь менавіта да рабочых спецыяльнасцях. Зрэшты, пакуль большасць маладых людзей аддае перавагу спрабаваць сілы і атрымліваць дыпломы аб вышэйшай адукацыі.

Стужка навiн
0