Мінадукацыі: ніякіх разнарадак аб уступленні ў БРСМ быць не можа

© Sputnik / Виктор ТолочкоСцяг БРСМ
Сцяг БРСМ - Sputnik Беларусь
Падпісацца
Змест роліка, які быў апублікаваны напярэдадні і нарабіў шмат шуму, выклікае ў ведамства шмат пытанняў.

МІНСК, 31 кас - Sputnik. Прымусовае ўступленне ў члены Беларускага рэспубліканскага саюза моладзі (БРСМ) недапушчальна, заявілі ў сераду Sputnik у Міністэрстве адукацыі Беларусі.

Лукашэнка праспяваў камсамольскую песню пад акампанемент сына - Sputnik Беларусь
Відэа
Як Лукашэнка спяваў камсамольскую песню - відэа

На тыдні стагоддзя камсамола тэма з "абавязковым уступленнем" у яго правапераемнік - БРСМ - была паднятая з-за апублікаванага напярэдадні відэа. На роліку, знятым гімназістамі, педагогі прымушаюць рабят запісвацца ў арганізацыю.

"Яго змест выклікае шмат пытанняў. Пры гэтым не ясна ні паходжанне роліка, ні тое, ці мела такая сітуацыя месца ў рэчаіснасці, ці гэта чарговая фэйкавая пастаноўка. Міністэрства адукацыі не збіраецца праводзіць якіх-небудзь расследаванняў на гэты конт, а тым больш даваць каментары", - заявілі ў сераду ў ведамстве.

У той жа час у Міністэрстве адукацыі падкрэслілі, што пазіцыя ведамства ў гэтым плане дастаткова выразная.

"Недапушчальна прымусовае ўступленне ў члены БРСМ. Ніякіх разнарадак на гэты конт у школах няма і быць не можа. БРСМ - добраахвотнае грамадскае аб'яднанне", - падкрэслілі ў ведамстве.

Адмаўляюць падобныя выпадкі і ў самым БРСМ: там падкрэсліваюць, што ўступаць у саюз можна толькі добраахвотна.

Стужка навiн
0