НАН: беларусы не атрымліваюць Нобелеўскую прэмію з-за сціпласці

CC BY 2.0 / Adam Baker / Nobel Prize Medal in ChemistryМедаль, які атрымлівае нобелеўскі лаўрэат
Медаль, які атрымлівае нобелеўскі лаўрэат - Sputnik Беларусь
Падпісацца
Усяго акадэмікі налічылі каля 30 лаўрэатаў прэстыжнай прэміі з беларускімі каранямі.

МІНСК, 6 ліс - Sputnik. Беларускія навукоўцы доўгі час сціпла сябе паводзілі, у гэтым крыецца адна з прычын адсутнасці ў іх прэстыжных навуковых узнагарод, такое меркаванне ў аўторак журналістам выказаў старшыня прэзідыума Нацыянальнай акадэміі навук Уладзімір Гусакоў.

Беларускія вучоныя плануюць у бліжэйшыя гады спаборнічаць за права атрымліваць самыя прэстыжныя ўзнагароды ў сферы навукі, у тым ліку - і Нобелеўскую прэмію. У цэлым, па словах старшыні НАН, у свеце каля трох дзясяткаў лаўрэатаў гэтай узнагароды маюць беларускія карані. Аднак даследчыкі, што жывуць і працуюць у рэспубліцы, не атрымлівалі ўзнагароду.

"Чаму так здарылася? Таму што да гэтага часу, мне здаецца, беларускія навукоўцы сціпла сябе паводзяць", - выказаў меркаванне Гусакоў.

Паводле яго слоў, сёння прэзідыум НАН ставіць перад сабой амбіцыйную задачу.

"У шэрагу абласцей мы абсалютна не саступаем распрацоўкам амерыканскіх навукоўцаў, японскіх, заходнееўрапейскіх. Мы маем права прэтэндаваць (на Нобелеўскую прэмію - Sputnik)", - заявіў старшыня прэзідыума.

Патэнцыял беларускай нацыі, па словах Гусакова, па сваім IQ адносіцца да найбольш высокіх у свеце. Актуальная задача - пераадолець сваю нерашучасць і ўдзельнічаць у бліжэйшы час у конкурсе на Нобелеўскія прэміі. Улічваючы складанасць адбору лаўрэатаў, на думку прадстаўніка НАН, трэба заручыцца падтрымкай развітых краін і навуковых цэнтраў.

"Гэта няпроста, але трэба ўдзельнічаць. Па сваіх распрацоўках мы маем поўнае права і гатовыя да ўдзелу", - адзначыў Гусакоў.

За ўсю гісторыю суверэннай Беларусі Нобелеўскую прэмію атрымаў толькі адзін жыхар рэспублікі - пісьменніца Святлана Алексіевіч атрымала прэстыжную ўзнагароду за свае кнігі ў 2015 годзе.

Стужка навiн
0