15:44 18 снежня 2018
«Радыё Sputnik»
  • USD2.13
  • EUR2.41
  • 100 RUB3.18
Офіс кампаніі

Колькі ў беларусаў у 2019 годзе будзе святаў, выхадных і працоўных дзён

CC0 / Pixabay
Грамадства
Атрымаць кароткую спасылку
1410

Ва ўрадзе яшчэ не вырашылі, ці будзе ў беларусаў у маі будучага года цэлы тыдзень выхадных.

МІНСК, 21 лістапада - Sputnik. Міністэрства працы і сацыяльнай абароны апублікавала вытворчы каляндар на будучы год, дзе ўтрымліваецца поўная інфармацыя аб тым, калі будуць працаваць і адпачываць беларусы.

З 365 дзён беларусам трэба будзе адпрацаваць 252 дні - на дзень менш, чым у гэтым годзе. Выхадных і святаў у міністэрстве налічылі цэлых 113 дзён, гэта значыць, дадалі як раз той "выпаўшы" рабочы. Праўда, гэта актуальна толькі для тых працоўных, у каго так званая працоўная "пяцідзёнка".

Пры гэтым са 113 дзён на выхадныя трапляе 104 дні, а на святы - усяго 9. У спіс святочных патрапілі:

  • 8 сакавіка - Дзень жанчын
  • 1 мая - Свята працы
  • 7 мая - Радаўніца (праваслаўная)
  • 9 мая Дзень Перамогі
  • 3 ліпеня - Дзень Незалежнасці Рэспублікі Беларусь
  • 7 лістапада - Дзень Кастрычніцкай рэвалюцыі
  • 25 снежня - Нараджэнне Хрыстова (каталіцкае).

Усіх, каму пашчасціла працаваць шэсць дзён на тыдзень, у 2019 годзе чакае 304 рабочыя дні. Расслабіцца беларусы, якія занятыя на "шасцідзёнцы", змогуць толькі на працягу 61 дня.

Раней міністр эканомікі Дзмітрый Круты заявіў, што ва ўрадзе думаюць аб пераносе працоўных дзён у маі 2019 года, так, каб у беларусаў атрымалася цэлы тыдзень выхадных.

"На ўзроўні ўрада гэтая тэма, я думаю, будзе разгледжана з улікам спецыфікі мая, і пасля таго, як будуць узважаныя ўсе "за" і "супраць", будзе прынята рашэнне", - расказаў міністр.

Тэги:
Святочныя і выхадныя дні, перанос працоўных дзён, Міністэрства працы і сацыяльнай абароны Рэспублікі Беларусь

Галоўныя тэмы