"Белавія" адкрывае новы рэгулярны рэйс паміж Мінскам і Варонежам

© Sputnik / Виктор Толочко"Белавія" адкрывае новы рэгулярны рэйс паміж Мінскам і Варонежам
Белавія адкрывае новы рэгулярны рэйс паміж Мінскам і Варонежам - Sputnik Беларусь
Падпісацца
Першы рэйс новага рэгулярнага маршруту Мінск-Варонеж-Мінск адправіцца са сталіцы Беларусі ўжо ў панядзелак.

МІНСК, 16 сне - Sputnik. Рэгулярныя рэйсы паміж Менскам і Варонежам пачынае ажыццяўляць авіякампанія "Белавія" з 17 снежня, пра гэта сведчаць дадзеныя на сайце перавозчыка.

Паляцець за 10 еўра: сталі вядомыя новыя акцыйныя кірункі Белавія - Sputnik Беларусь
Паляцець за 10 еўра: сталі вядомыя новыя акцыйныя кірункі "Белавія"

Першы рэйс новага рэгулярнага маршруту Мінск-Варонеж-Мінск адправіцца са сталіцы Беларусі ўжо ў панядзелак. Дарэчы, у цяперашні час самалёты "Белавія" рэгулярна лётаюць у Маскву, Санкт-Пецярбург, Краснадар, Ніжні Ноўгарад, Сочы, Калінінград, Казань і Растоў-на-Доне.

Палёты будуць ажыццяўляцца чатыры разы на тыдзень. Рэйс з Мінска стане вылятаць у панядзелак, сераду, чацвер і суботу а 23:05. У Міжнародны аэрапорт Варонежа яны будуць прылятаць на наступны дзень у 00:30.

Вылет з Варонежа ў сталіцу Беларусі плануецца на кожныя аўторак, чацвер, пятніцу і нядзелю ў 05.35 (з прыбыццём у 07:05). Усё - па мясцовым часе.

Час палёту складзе паўтары гадзіны, а кошт авіябілета ў адзін бок стартуе ад 96 еўра, уключаючы таксы і зборы, у абодва бакі - ад 179 еўра.

Нагадаем, у канцы кастрычніка беларуская авіякампанія "Белавія" таксама запусціла рэгулярныя рэйсы ў Міжнародны аэрапорт Кішынёва ў Малдове, пералёты ажыццяўляюцца пяць разоў на тыдзень.

Стужка навiн
0