15:51 17 студзеня 2019
«Радыё Sputnik»
  • USD2.15
  • EUR2.45
  • 100 RUB3.24
Праца медыка

Урачы будуць прымаць кожнага пацыента на пяць хвілін больш

© Pixabay
Грамадства
Атрымаць кароткую спасылку
710

З 1 студзеня пачнуць дзейнічаць нормы, па якіх на першасны прыём ўрача агульнай практыкі адводзіцца 18 хвілін, на прафілактычны агляд - 13 хвілін.

МІНСК, 2 сту - Sputnik. Міністэрства аховы здароўя Беларусі ўвяло новыя нормы, паводле якіх час першаснага прыёму урачамі пацыентаў павялічыўся на пяць хвілін.

Такія змены прадугледжаны пастановай Міністэрства аховы здароўя ад 17 снежня 2018 года №95, якая ўступіла у сілу 1 студзеня 2019 года. Гэты дакумент прадугледжвае новыя нормы часу для ўрачоў агульнай практыкі.

"Спецыялістам, якія абслугоўваюць дарослае і дзіцячае насельніцтва, на першасны прыём будзе адведзена 20 хвілін (раней 15 хвілін), прафілактычны агляд у выдзеленыя дні ці гадзіны ў паліклініцы або на выездах - 15 хвілін (раней 10 хвілін). Урачам агульнай практыкі, якія абслугоўваюць дарослае насельніцтва , на першасны прыём будзе адведзена 18 хвілін (раней 15 хвілін), прафілактычны агляд у выдзеленыя дні ці гадзіны ў паліклініцы або на выездах - 13 хвілін (раней 10 хвілін)", - гаворыцца ў паведамленні прэс-службы Міністэрства аховы здароўя.

Час прыёму вырашылі павялічыць з-за таго, што ва ўрача агульнай практыкі будзе пашыранаы кола абавязкаў. Акрамя таго, такія спецыялісты павінны валодаць больш шырокімі ведамі і навыкамі, чым участковы тэрапеўт, паколькі яны будуць аказваць дапамогу ў галіне тэрапіі, неўралогіі, отарыналарынгалогіі, афтальмалогіі, акушэрства і гінекалогіі, хірургіі, эндакрыналогіі і іншых галінах.

Акрамя таго, ва ўстановах аховы здароўя з'явяцца памочнікі ўрача агульнай практыкі па амбулаторна-паліклінічнай дапамозе і медыцынскія сёстры агульнай практыкі. Канкрэтныя нормы часу абслугоўвання насельніцтва ў паліклініках і дома для ўрачоў агульнай практыкі дзяржаўных арганізацый аховы здароўя будуць вызначаныя з удзелам прафсаюза на падставе хранаметражу працоўнага часу і ўмоў працы.Такія ж нормы часу, згодна з пастановай №95, будуць прымяняцца пры дыстанцыйным кансультаванні з дапамогай інфармацыйных тэхналогій.

"Гэта норма будзе спрыяць развіццю тэлемедыцынскіх кансультацый і стварэнню электроннай аховы здароўя ў Беларусі", - упэўненыя ў Міністэрстве аховы здароўя.

Тэги:
Беларусь, Міністэрства аховы здароўя Рэспублікі Беларусь

Галоўныя тэмы