МІНСК, 11 сту - Sputnik. Судовае рашэнне па справе кіраўніка партала РІА "Новости Украина" Кірыла Вышынскага звязана з недахопам або адсутнасцю якой-небудзь доказнай базы, заявіў у пятніцу пастаянны прадстаўнік Расіі пры АБСЕ Аляксандр Лукашэвіч.
Вышынскі знаходзіцца пад вартай з сярэдзіны мая мінулага года. Раз у месяц суд падаўжае тэрмін яго арышту, адмаўляючыся задавальняць шматлікія хадайніцтвы і апеляцыі адваката журналіста.
"Адна справа - патрабаваць хуткага суда, а іншая справа - цалкам зразумела, што гаворка ідзе пра неабходнасць вызваліць нашага журналіста без усялякіх умоваў, таму што затрыманы быў відавочна па палітычных меркаваннях, і тут абсалютна зразумела, што адцягванне судовага рашэння звязанае з недахопам або адсутнасцю якой-небудзь доказнай базы. Так што гэтую працу будзем, безумоўна, працягваць", - заявіў Лукашэвіч РІА "Новости".
Прынцыповых зменаў па справе Вышынскага, канстатаваў пастпрэд, няма: ні ў рэакцыі ўкраінскага боку, ні ў рэакцыі прадстаўніка АБСЕ па пытаннях СМІ.
"Хоць мы кожны раз, як мы ўжо вам неаднаразова казалі, нагадваем пра гэта пры кожным зручным выпадку як пра абуральнае парушэнне журналісцкіх правоў нашага грамадзяніна. Будзем працягваць гэта, і на кожным пастсавеце завастраем гэтую тэму ў прынцыповым плане", - дадаў ён.
Вышынскага ўзялі пад варту ў Кіеве ў сярэдзіне мая гэтага года. Журналіста падазраюць у падтрымцы самаабвешчаных ДНР і ЛНР, а таксама дзяржаўнай здрадзе.
Прэзідэнт Расіі Уладзімір Пуцін называў сітуацыю беспрэцэдэнтнай: ён падкрэсліваў, што Вышынскага арыштавалі "за яго прамую прафесійную дзейнасць, за ажыццяўленне яго журналісцкай функцыі". Масква накіравала Кіеву ноты пратэсту з патрабаваньнем спыніць гвалт над прадстаўнікамі прэсы.
Прадстаўнік АБСЕ па пытаннях свабоды СМІ Арлем Дэзір раней выказаў сур'ёзную трывогу ў сувязі з дзеяннямі Кіева ў дачыненні да РІА "Новости Украина". Выказвалі занепакоенасць сітуацыяй і многія іншыя міжнародныя арганізацыі і структуры.
