МІНСК, 17 сту - Sputnik. Дзеянні кампаніі Facebook, якая выдаліла ў чацвер больш за паўтысячы звязаных з Расіяй акаўнтаў і сем старонак агенцтва Sputnik, з'яўляюцца палітычна матываванымі і фактычна цэнзурай, заявілі ў агенцтве Sputnik.
Кіраўнік аддзела кібербяспекі Facebook Натаніэль Глейхер паведаміў у чацвер аб выдаленні 364 старонак у Facebook "у сувязі з дачыненнем да каардынаванай недакладнай дзейнасці ў рамках сеткі, якая з'явілася ў Расіі і аперавала ў краінах Прыбалтыкі, Цэнтральнай Азіі, Каўказа і Цэнтральнай і Усходняй Еўропы". Таксама сацыяльная сетка выдаліла 107 старонак і 41 акаўнт на Instagram - быццам бы ўладальнікі "выдавалі сябе за ўкраінцаў".
"Рашэнне адназначна чыста палітычнае, фактычна цэнзура - заблакавана сем старонак рэдакцый у краінах блізкага замежжа. Рэдакцыі Sputnik займаюцца навінамі і робяць гэта добра. І калі блакіроўка - гэта адзіная рэакцыя Facebook на якасную працу СМІ, то пытанняў у нас няма - тут усё відавочна. А вось надзея, што здаровы сэнс пераможа, ёсць. Чытайце Sputnik", - заявілі ў прэс-службе агенцтва ў чацвер.
Агенцтва Sputnik пастаянна сутыкаецца з праявамі цэнзуры ў краінах Захаду. Так, латвійскія ўлады блакавалі сайт sputniknews.lv. У Францыі журналістам Sputnik часта адмаўляюць у акрэдытацыі па надуманых падставах. З ганеннямі журналісты сутыкаюцца і ў многіх іншых краінах.
Аналагічная сітуацыя - і вакол тэлеканала RT, супраць якога ў краінах Захаду таксама ўжываюць абмежавальныя меры. У ЗША тэлеканал і зусім прымусілі рэгістравацца ў якасці замежнага агента.
