Фактычнае беспрацоўе ў Беларусі ў 16 разоў вышэй зарэгістраванага

© Sputnik / Григорий Сысоев / Перайсці ў медыябанкБеспрацоўныя на кірмашы вакансій, архіўнае фота
Беспрацоўныя на кірмашы вакансій, архіўнае фота - Sputnik Беларусь
Падпісацца
Па апошніх дадзеных, працы няма ў 4,8% працаздольнага насельніцтва - у параўнанні з трэцім кварталам 2018 года, гэты паказчык павялічыўся.

МІНСК, 24 сту - Sputnik. Узровень фактычнага беспрацоўя ў Беларусі ў апошнім квартале мінулага года склаў 4,8%, паведамілі ў Нацыянальным статыстычным камітэце.

Абследаванне стану рынка працы было праведзена ў адпаведнасці з метадалогіяй Міжнароднай арганізацыі працы (МАП). Вывучаюць колькасць працоўнага насельніцтва штоквартальна.

Паводле дадзеных Белстата на апошні квартал 2018 года, занятасць насельніцтва ў рэспубліцы была на ўзроўні 68% - сярод жыхароў краіны 15-74 гадоў працуе такая колькасць чалавек.

Узровень жа фактычнага беспрацоўя складае 4,8% працаздольнага насельніцтва. У параўнанні з дадзенымі за трэці квартал мінулага года, гэты паказчык павялічыўся на 0,1%.

Зарэгістраванае беспрацоўе, па апошніх дадзеных Мінпрацы, пры гэтым зніжаецца - на канец трэцяга квартала 2018 года яго ўзровень быў 0,3% ад колькасці працоўнай сілы. Годам раней - 0,6%. Такім чынам, фактычнае беспрацоўе вышэй зарэгістраванага амаль у 16 разоў.

У той жа час, попыт на беларускім рынку працы працягвае расці. На сёння ў рэспубліканскім банку вакансій змяшчаецца інфармацыя аб 80,4 тысячах працоўных месцаў. У найбольшым дэфіцыце - прадстаўнікі працоўных спецыяльнасцяў, а таксама некаторыя спецыялісты, у тым ліку ўрачы і медсёстры.

Стужка навiн
0