17:33 21 лютага 2019
«Радыё Sputnik»
  • USD2.14
  • EUR2.43
  • 100 RUB3.27
Дзеці снедаюць у школе

Сачыць за якасцю ежы ў школьных сталовых дапамогуць камеры

© Sputnik / Виктор Толочко
Грамадства
Атрымаць кароткую спасылку
1610

Абсталяваць ўсе школьныя харчаблокі камерамі відэаназірання ў Гродне вырашылі пасля гучных праверак у сферы дзіцячага харчавання.

ГРОДНА, 12 лют - Sputnik, Іна Грышук. Каб у работнікаў школьных сталовых не было спакусы выносіць прадукты, якія прызначаны для харчавання дзяцей, або недакладваць ежу ў порцыі, усе харчаблокі навучальных устаноў Гродзенскай вобласці абсталявалі сістэмай відэаназірання.

Як паведаміў на прэс-канферэнцыі пракурор Гродзенскай вобласці Віктар Корзун, сістэмы відэаназірання ў харчблоках былі ўсталяваныя да канца 2018 года па рэкамендацыі пракуратуры. Мінулы год запомніўся гучнымі праверкамі ў сферы дзіцячага харчавання ў школах. Правяраючыя выявілі і факты крадзяжу ежы са сталовых, і закупкі прадуктаў па завышаных у разы коштах, і факты карупцыі і хабараў.

Праверкі праходзілі ў дзясятках розных школ вобласці.

Самай гучным стала справа дырэктара камбіната школьнага харчавання Ленінскага раёна Гродна, у адносінах да якой было распачата 30 крымінальных спраў. Як раней пісаў Sputnik, следства выявіла, што кіраўнік КШП атрымала не менш за 75 хабараў на суму не менш за пяць тысяч рублёў, таксама ёй выстаўлялася не менш за 19 выпадкаў крадзяжу маёмасці на суму 11 тысяч рублёў. Зараз дадзеную справу разглядаюць у судзе.

Як адзначылі ў пракуратуры вобласці, цяпер сітуацыя з якасцю харчавання ў школах вобласці палепшылася. Але у 2019 годзе праверкі ў гэтай сферы працягнуцца. Зараз на дапамогу правяраючым змогуць прыйсці і камеры, усталяваным ва ўсіх харчблоках. Напрыклад, калі праверка знойдзе нястачу, то з дапамогай запісаў з відэакамер нескладана будзе знайсці вінаватага.

Тэги:
харчаванне, Школа, Гродна

Галоўныя тэмы