22:47 29 лістапада 2020
«Радыё Sputnik»
  • USD2.58
  • EUR3.08
  • 100 RUB3.41
Грамадства
Атрымаць кароткую спасылку
6210

У хлопчыка, які з'явіўся на свет раней за тэрмін, медыкі дыягнаставалі парок сэрца.

МІНСК, 29 сак - Sputnik. Спецыялісты РНПЦ дзіцячай хірургіі зрабілі ўнікальную аперацыю нованароджанаму, у якога быў выяўлены парок сэрца, паведамілі ў эфіры тэлеканала СТБ.

Хлопчык з'явіўся на свет раней за тэрмін, яго вага на момант нараджэння складала крыху больш за адзін кілаграм. Пры гэтым у немаўля падчас першага абследавання ў шпіталі быў выяўлены парок сэрца, і патрабавалася тэрміновае аператыўнае ўмяшанне, каб выратаваць яму жыццё. Паводле інфармацыі медыкаў, было прынята рашэнне аб правядзенні эндаваскулярнай аперацыі - праз крывяносныя сасуды.

"На тэрыторыі постсавецкай прасторы адназначна мы можам казаць, што гэтая аперацыя выконвалася ўпершыню. А калі казаць аб сусветным вопыце, то гэта, бадай, адзінкавыя аперацыі", - сказаў загадчык аддзела дзіцячай кардыяхірургіі РНПЦ Юрый Ліннік.

Паводле яго слоў, падчас хірургічнага ўмяшання былі пэўныя складанасці з-за таго, што сасуды нованароджанага вельмі маленькія, таму працаваць тонкімі інструментамі было вельмі няпроста.

На правядзенне аперацыі хірургам цэнтра спатрэбілася некалькі гадзін, медыкі кажуць, што яна завяршылася ўдала.

У цяперашні час прааперыраваны хлопчык, якога бацькі назвалі Багданам, знаходзіцца ў рэанімацыі, яго стан ацэньваецца як стабільны. Пасля таго, як нованароджаны набярэ неабходную вагу, яго выпішуць.

Тэги:
РНПЦ дзіцячай хірургіі, Медыцына і здароўе, Беларусь

Галоўныя тэмы