Вызваленая Еўропа. У Мінску прадставілі ўнікальныя ваенныя здымкі

© Sputnik / Виктор ТолочкоУ некаторых здымкаў ёсць ўзроставыя абмежаванні, але іх усё ж вырашылі ўключыць у падборку, каб паказаць гісторыю без прыкрас
У некаторых здымкаў ёсць ўзроставыя абмежаванні, але іх усё ж вырашылі ўключыць у падборку, каб паказаць гісторыю без прыкрас - Sputnik Беларусь
Падпісацца
На здымках ваенных фотакарэспандэнтаў Саўінфармбюро можна ўбачыць разбураны Мінск і Брэст з вышыні, салдат, што бягуць у атаку, а яшчэ хвіліны радасці савецкіх людзей.

Перамога.Sputnik: гісторыі вайны, якіх не было ў падручніках - Sputnik Беларусь
Перамога.Sputnik: гісторыі вайны, якіх не было ў падручніках
Унікальныя здымкі вызваленых гарадоў Еўропы можна ўбачыць на першым паверсе ТРЦ "Галерэя", перадае Sputnik. Тут адкрылася выстава фотаздымкаў, арганізаваная Міжнародным інфармацыйным агенцтвам Sputnik у партнёрстве з расійскім федэральным агенцтвам "Рассупрацоўніцтва".

Беларускі матыў

Праект складаецца з матэрыялаў Саўінфармбюро і прысвечаны доўгаму шляху вызвалення Еўропы ад фашысцкага нашэсця. Гэты шлях пачаўся ў Сталінградзе і на Курскай дузе. Але савецкія салдаты вызвалілі не толькі сваю радзіму - СССР, але і краіны Еўропы, паставіўшы пераможную кропку ў логаве ворага ў Берліне.

"Гэта ўжо другая наша выстава, і яе можна назваць сумесным праектам беларускіх і расійскіх журналістаў. Яе ўнікальнасць складаецца ў тым, што мы імкнуліся падбіраць фатаграфіі, блізкія тэматыцы 75-годдзя вызвалення Беларусі. Так, на выставе прадстаўлены здымкі вызвалення еўрапейскіх гарадоў - Ленінграда, Варшавы, Берліна. Але ўпор рабіўся менавіта на тое, каб паказаць, як выглядалі нашы гарады ў дзень вызвалення. Ёсць здымкі Брэста, Любліна, Мінска ў той дзень, калі ў яго прыйшлі савецкія войскі", - распавёў кіраўнік інфармацыйнага агенцтва і радыё Sputnik Беларусь і арганізатар праекта Андрэй Качура.

© Sputnik / Виктор ТолочкоКіраўнік інфармацыйнага агенцтва і радыё Sputnik Беларусь Андрэй Качура распавядае аб праекце беларускім СМІ
Вызваленая Еўропа. У Мінску прадставілі ўнікальныя ваенныя здымкі - Sputnik Беларусь
Кіраўнік інфармацыйнага агенцтва і радыё Sputnik Беларусь Андрэй Качура распавядае аб праекце беларускім СМІ

Паводле яго слоў, Саўінфармбюро, пераемнікам якога і з'яўляецца Sputnik, назапасіла самы вялікі архіў Другой сусветнай вайны. Аднак разабрацца ў гэтым архіве не так і проста, а на выставе ёсць магчымасць падысці да фатаграфій у вялікім маштабе і ўбачыць унікальныя здымкі ваенных фотакарэспандэнтаў. Паглядзець на твары людзей, якія вызвалялі Еўропу.

Жывыя дакументы

"Візуальныя сведчанні аб Вялікай Айчыннай вайне - гэта самыя жывыя дакументы. Таму нізкі паклон Sputnik за захаванне гісторыі Саўінфармбюро, за шматразовае тыражаванне, за тое, што рэпрадукцыі фатаграфій ваеннага часу становяцца важным выхаваўчым фрагментам у нашым жыцці, рэчаіснасці", - не хаваў эмоцый падчас урачыстага адкрыцця выставы міністр інфармацыі Беларусі Аляксандр Карлюкевіч.

© Sputnik / Виктор ТолочкоМіністр інфармацыі Рэспублікі Беларусь Алесь Карлюкевіч падзякаваў Sputnik за арганізацыю выставы
Вызваленая Еўропа. У Мінску прадставілі ўнікальныя ваенныя здымкі - Sputnik Беларусь
Міністр інфармацыі Рэспублікі Беларусь Алесь Карлюкевіч падзякаваў Sputnik за арганізацыю выставы

На цырымоніі таксама прысутнічалі ветэраны ВАВ. Сярод іх Іван Квашнін, які ў 18-гадовым узросце быў прызваны на фронт, прайшоў каласальны баявы шлях, да гэтага часу носіць пад сэрцам асколак. Вераніка Рамановіч, якая бегла па шляху на прымусовыя работы ў Германію, улілася ў склад рэгулярных савецкіх войскаў, перамогу сустрэла ў складзе авіяпалка ў Польшчы. Павел Ярашэнка, які служыў сувязістам, ваяваў у Кёнігсбергу, удзельнічаў у штурме Берліна, а пазней напісаў некалькі кніг пра вайну. А таксама Анатоль Дзіковіч, партызан-падрыўнік, які ваяваў, трапіў у палон, быў вызвалены савецкай арміяй і зноў ваяваў, аўтар кнігі "Вехі маёй памяці". Дарэчы, падчас адкрыцця выставы ён прачытаў усім прысутным кранальны верш пра вайну.

Кожны з гэтых ветэранаў, якіх засталося не так шмат, сваімі сіламі набліжаў вызваленне і Перамогу, якую захавалі фотакарэспандэнты ваенных гадоў.

© Sputnik / Виктор ТолочкоАле самыя каштоўныя словы падзякі з вуснаў ветэранаў - удзельнікаў Вялікай Айчыннай
Вызваленая Еўропа. У Мінску прадставілі ўнікальныя ваенныя здымкі - Sputnik Беларусь
Але самыя каштоўныя словы падзякі з вуснаў ветэранаў - удзельнікаў Вялікай Айчыннай

"Нас хутка чакае вялікае важнае свята - Дзень перамогі. Хочацца сказаць дзякуй нашым ветэранам за той свет, тое жыццё, якое мы жывем. Наша выстава стала добрай традыцыяй напярэдадні 9 мая і 3 ліпеня, каб прадэманстраваць сучаснаму пакаленню, якое не бачыла тых нягод і нястач вайны, колькі каштавала гэта вялікая перамога", - падзякаваў гасцям в.а. дырэктара ТРЦ "Галерэя" Арцём Абухоў.

Фота на памяць

Усяго на выставе прадстаўлены 50 фотаработ, на якіх намаляваны як бітвы, здымкі разбураных гарадоў з самалёта, так і хвіліны радасці салдат. Гора суседнічае з радасцю, жыццё са смерцю, ад чаго выстава атрымала абмежаванне па ўзросце "18 +".

"Ёсць нешта ў гэтым мастацтве фатаграфіі вечнае. Таму што, колькі б гадоў ні прайшло, гэтыя здымкі перадаюць настрой, эмоцыі. Нават кінахроніка не можа так ўхапіць імгненні, як нашы ваенныя карэспандэнты", - упэўнены Андрэй Качура.

Паводле яго слоў, сярод здымкаў можна знайсці проста ўнікальныя з'явы. Напрыклад, мы шмат ведаем пра тое, што вайна была выйграная, у тым ліку, і саюзнікамі, але неяк мала задумваемся, як гэта выглядала на самой справе.

© Sputnik / Виктор ТолочкоТакая незвычайная для такога праекта пляцоўка была абраная, каб як мага больш мінчан і гасцей сталіцы ў гэтыя дні змагло паглядзець на гэтыя здымкі
Вызваленая Еўропа. У Мінску прадставілі ўнікальныя ваенныя здымкі - Sputnik Беларусь
Такая незвычайная для такога праекта пляцоўка была абраная, каб як мага больш мінчан і гасцей сталіцы ў гэтыя дні змагло паглядзець на гэтыя здымкі

"Вось і на адным здымку мы спачатку не звярнулі ўвагу, і толькі калі зрабілі ў вялікім фармаце, заўважылі, што на плошчы Леніна ў момант вызвалення Мінска адзін з танкаў - амерыканскі "Шэрман". Гэта значыць на практыцы відаць, як ленд-лізная зброя дапамагала нашым дзядам ваяваць тут і набліжаць перамогу", - заўважыў арганізатар праекта.

Выстава карэспандэнтаў Саўінфармбюро працягнецца ў ТРЦ "Галерэя" да 12 мая. Далей фотапраект можа адправіцца ў Брэст, а да 3 ліпеня зноў вернецца ў Мінск.

Стужка навiн
0