19:38 08 снежня 2019
«Радыё Sputnik»
  • USD2.12
  • EUR2.35
  • 100 RUB3.32
Чаргу займалі з 06:30: пачалася запіс у першыя класы

Чаргу займалі з 06:30: пачаўся запіс у першыя класы

© Sputnik / Вера Дашкевич
Грамадства
Атрымаць кароткую спасылку
1710

Прымаць дакументы будуць да канца жніўня, але бацькі штурмуюць школы: хтосьці хоча адправіць дзіця да пэўнага настаўніка, хтосьці - у школу, да якой не адносіцца па прапісцы.

"Калі я прыйшла сюды без дзесяці сем, каля школы ўжо было два чалавекі. Сказалі, што з паўгадзіны ўжо стаяць", - распавядае Ірына, мама шасцігадовага Андрэя. Прыём дакументаў у першыя класы, згодна з зацверджаным раскладам, стартуе з 14:00. Гэта значыць, бацькам трэба будзе правесці на дзіцячай пляцоўцы пад школай не адну гадзіну.

А палове дзясятай у Ірыны ў руках ужо спіс з 24 чалавек. Гэта дзеці, якія прыпісаны да гэтай школы. Гэта значыць, дакументы ў бацькоў павінны прыняць у абавязковым парадку. Дык навошта стаяць пад школай?

Ідуць да пэўнага настаўніка

Бацькі мужна стаяць пад школай, каб прэтэндаваць на неафіцыйнае права выбраць настаўніка. Лічыцца, што, калі запісацца ў першых шэрагах, ёсць шанец пераканаць адміністрацыю школы накіраваць дзіця да пэўнага спецыяліста.

Хотя прием документов начнется в 14:00, люди собираются у школы с раннего утра
© Sputnik / Вера Дашкевич
Хоць прыём дакументаў пачнецца ў 14:00, людзі збіраюцца ля школы ад самае раніцы

"Ведаю, што адзін настаўнік моцны, але вельмі строгі. Дырэктар параіла новага педагога. Кажа, і дасведчаны, і добра ставіцца да дзяцей", - тлумачыць мама шматгадзіннае стаянне пад школай.

Згодна з парадкам, школы прымаюць дакументы з 12 чэрвеня па 28 жніўня ў бацькоў, чые дзеці адносяцца да ўстаноў адукацыі па прапісцы. Адначасова школы бяруць заявы і ў бацькоў, якія не маюць безумоўнага права вучыць дзяцей менавіта ў гэтай школе, але вельмі хочуць.

Гэтых дзяцей бяруць толькі на вольныя месцы, якія застануцца пасля 28 жніўня - да гэтай даты павінны вызначыцца з выбарам бацькі прыпісаных да школы дзяцей.

Калі ласка, не стварайце ажыятаж

"Шукалі настаўніка, таму выбралі, можа, не самую лепшую школу горада, але педагога, якога рэкамендавалі знаёмыя", - распавядае мама шасцігадовай Соні.

 У родителей, чьи дети относятся к учреждениям образования по прописке, школы принимают документы с 12 июня по 28 августа
© Sputnik / Вера Дашкевич
У бацькоў, чые дзеці адносяцца да ўстаноў адукацыі па прапісцы, школы прымаюць дакументы з 12 чэрвеня па 28 жніўня. Але многія спяшаюцца з падачай: лічыцца, што гэта дае права выбраць настаўніка

Яна стаяла пад іншай школай. Прыйшла ў 8 раніцы - і ўжо была чацвёртай. Да поўдня спіс пашырыўся да 10 прозвішчаў.

"Для мяне было прынцыпова важна знайсці добрага першага настаўніка, які не задушыць, не адаб'е цікавасць да вучобы. Таму як быў прэцэдэнт у дзіцячым садзе. Была вельмі ўладная выхавальніца - і давала дзецям шмат, і па-свойму іх любіла. Але эпізадычна крычала. І гэта быў пастаянны стрэс. Я не вельмі хачу, каб маё дзіця існавала 4 гады ў стрэсе", - прызнаецца мама Соні.

В школе попросили не создавать ажиотаж, но на солнцепек выгонять не стали, наоборот, пригласили подождать в актовом зале
© Sputnik / Вера Дашкевич
У школе папрасілі не ствараць ажыятаж, але на сонцапёк выганяць не сталі, наадварот, запрасілі пачакаць у актавай зале

Прадстаўнікі адміністрацыі, убачыўшы чаргу, вельмі ветліва папрасілі не ствараць ажыятажу. "Нас жа маніторыць міністэрства, могуць быць праблемы", - уздыхнула прадстаўнік школы, але на вуліцу на сонцапёк не выгнала. Прапанавала бацькам перабрацца ў актавую залу.

Дзеля справядлівасці трэба адзначыць, што такі ажыятаж назіраўся не ва ўсіх мінскіх школах. Адміністрацыі некаторых, каб папярэдзіць шматгадзінныя стаянні пад школай, яшчэ на сходах для бацькоў першакласнікаў у маі папрасілі загадзя запісацца на прыём у камісію або да дырэктара. І бацькі скарысталіся такой магчымасцю.

Ператэлефануем у канцы жніўня

Шматгадзіннае стаянне завяршылася пяціхвіліннай размовай у кабінеце дырэктара. Спыталі пра дзіця і прапіску. Прапанавалі запоўніць тыпавую заяву.

"Уважліва пішыце нумар тэлефона. Не памыліцеся. У канцы жніўня, калі будуць месцы, вам ператэлефануюць", - папярэджваюць мам.

Дакументы ў "чужых" - не прыпісаных да школы - дзяцей пакуль не бяруць. Толькі заявы. Неабходны пакет папер, калі пашанцуе, папросяць прынесці 29 жніўня.

Тэги:
школа

Галоўныя тэмы