ЦТ па грамадазнаўстве здадуць сёння амаль 15 тысяч чалавек

Падпісацца
Тэсціраванне па грамадазнаўстве часцей за ўсё неабходна тым абітурыентам, якія маюць намер працягваць навучанне на прававых спецыяльнасцях.

МІНСК, 15 чэр - Sputnik. Цэнтралізаванае тэсціраванне (ЦТ) па грамадазнаўстве пройдзе ў суботу ў Беларусі, паведамляе Sputnik.

Цэнтралізаванае тэсціраванне - асноўны этап уступнай кампаніі ў Беларусі. Абітурыенты ўжо здалі іспыты па беларускай і рускай мовах.

У гэтую суботу адбудзецца ЦТ па грамадазнаўстве. Запісаліся на гэты прадмет, як паведамілі ў РІКВ, амаль 15 тысяч абітурыентаў па ўсёй Беларусі.

ЦТ па грамадазнаўстве, як правіла, выбіраюць тыя абітурыенты, якія ў будучыні плануюць вучыцца на спецыяльнасцях юрыдычнага профілю.

Тэсціраванне пачынаецца ў 11:00, аднак абітурыентам рэкамендуецца прыбываць у пункты правядзення ЦТ загадзя. З сабой неабходна мець пропуск, пашпарт і чорную гелевую ручку. Любыя гаджэты на тэсціраванні строга забароненыя.

Наступнае ЦТ адбудзецца 17 чэрвеня: абітурыенты напішуць экзамен па матэматыцы.

Чытайце таксама:

Стужка навiн
0