МІНСК, 2 ліп - Sputnik. Адзін абітурыент быў выдалены з пункта правядзення ЦТ па сусветнай гісторыі за мабільны тэлефон, паведамілі Sputnik у прэс-службе Камітэта дзяржкантролю.
Апошняе цэнтралізаванае тэсціраванне ў асноўныя дні адбылося ў панядзелак: абітурыенты пісалі іспыты па сусветнай гісторыі найноўшага часу.
Як распавялі Sputnik у КДК, усяго на ЦТ па прадмеце былі зарэгістраваныя 1435 абітурыентаў. Не з'явіліся на тэст 178 чалавек.
"Адхіленыя былі два чалавекі: адзін - па стане здароўя, другі - за парушэнне, за мабільны тэлефон", - адзначылі ў ведамстве.
Дрэнна стала абітурыенту падчас выпрабавання ў Брэсце. За спісванне быў выдалены абітурыент з Салігорску, у яго магчымасці прайсці ЦТ у рэзервовы дзень не будзе.
На апрацоўку бланкаў ЦТ у РІКВ сыдзе да дзесяці дзён - мяркуецца, што ўжо на 10 ліпеня стануць вядомыя вынікі. Тады ж, з 10 ліпеня, пачнецца выдача сертыфікатаў тэсціравання, а з 12 ліпеня - падача дакументаў.
