02:09 09 снежня 2019
«Радыё Sputnik»
  • USD2.12
  • EUR2.35
  • 100 RUB3.32
Рэпетыцыя парада ў Мінску

Вайскоўцы пяці краін прымуць удзел у парадзе ў Мінску

© Sputnik / Виктор Толочко
Грамадства
Атрымаць кароткую спасылку
75 гадоў вызвалення Беларусі (30)
1910

Мерапрыемствы, прысвечаныя Дню Незалежнасці, пройдуць 3 ліпеня, святкаванне завершыцца парадам і салютам.

МІНСК, 2 ліп - Sputnik. На парад, які пройдзе ў гонар Дня Незалежнасці і 75-годдзя вызвалення Беларусі ад нямецка-фашысцкіх захопнікаў у беларускай сталіцы, прыбудуць дэлегацыі 5 краін, паведамілі ў Міністэрстве абароны РБ.

Азербайджанскую дэлегацыю ўзначаліць міністр абароны, казахстанскую - начальнік Дэпартамента кадраў і ваеннай адукацыі Мінабароны, кітайскую - намеснік камандуючага Пекінскім ваенным гарнізонам Народна-вызваленчай арміі.

Дэлегацыю з Расіі ўзначаліць камандуючы Заходняй ваеннай акругай УС, Узбекістана - першы намеснік міністра абароны - начальнік Генштаба УС.

Госці прымуць удзел у цырымоніі ўскладання кветак да манумента Перамогі, ва ўрачыстым сходзе і канцэрце "Вызваленне". Яны таксама будуць назіраць за ваенным парадам, тэатралізаваным эпізодам "Беларусь гераiчная" і акцыяй "Праспяваем гімн разам".

Парад з нагоды Дня Незалежнасці пачнецца ў сталіцы ў сераду а 21-й. Акрамя наземнай тэхнікі, у парадзе прыме ўдзел і паветраная. На мерапрыемстве гледачы змогуць убачыць некалькі дзясяткаў адзінак тэхнікі, у прыватнасці, Су-25, МіГ-29, Як-13, Л-39, Мі-24, Мі-8МТВ5, Ан-26, Іл-76.

Генеральная рэпетыцыя парада прайшла ў Мінску напярэдадні вечарам.

Акрамя таго, з нагоды 75-годдзя з дня вызвалення Мінска ад нямецка-фашысцкіх захопнікаў, на Паклоннай гары ў расійскай сталіцы 3 ліпеня будзе запушчана больш за 2 тысячы святочных феерверкаў, а ў дзесяць вечара па маскоўскім часе дадуць салют з 24 залпаў.

Чытайце таксама:

Тэмы:
75 гадоў вызвалення Беларусі (30)
Тэги:
Дзень Незалежнасці Рэспублікі Беларусь, Мінск

Галоўныя тэмы