Работнікаў сферы адукацыі чакае новая сістэма аплаты працы

© Sputnik / Павел Комаров / Перайсці ў медыябанкНастаўнік каля дошкі
Настаўнік каля дошкі - Sputnik Беларусь
Падпісацца
Як падкрэсліваюць у Мінадукацыі, пры ўвядзенні новай сістэмы зніжэння памераў заробку не адбудзецца.

МІНСК, 2 ліп - Sputnik. Сістэму аплаты працы работнікаў сферы адукацыі зменяць у Беларусі з 2020 года, адпаведную пастанову прыняло Міністэрства адукацыі рэспублікі.

У класе, архіўнае фота - Sputnik Беларусь
Стала вядома, якія надбаўкі і за што атрымаюць настаўнікі

Пастанова Мінадукацыі №71 "Аб некаторых пытаннях аплаты працы работнікаў у сферы адукацыі" афіцыйна апублікавана ў аўторак. Як растлумачылі ў самым ведамстве, яна распрацавана ў мэтах удасканалення аплаты працы педагагічных работнікаў у адпаведнасці з указам прэзідэнта ад 18 студзеня 2019 №27 "Аб аплаце працы работнікаў бюджэтных арганізацый".

"Гэтай пастановай усталёўваюцца тарыфныя разрады паводле пасадаў педагагічных работнікаў бюджэтных арганізацый, пералік стымулюючых і кампенсавальных выплат педагагічным работнікам і служачым, занятым у адукацыі, пералік стымулюючых і кампенсавальных выплат работнікам бюджэтных арганізацый, падпарадкаваных Міністэрству адукацыі, і ўстаноў адукацыі, падпарадкаваных мясцовым выканаўчым і распарадчым органам і якія адносяцца да сферы дзейнасці Міністэрства адукацыі", - растлумачылі ў міністэрстве.

Таксама пастановай зацверджаны інструкцыі аб памерах і парадку ажыццяўлення стымулюючых і кампенсавальных выплат. Як падкрэсліваюць у Мінадукацыі, пры ўкараненні новай сістэмы аплаты працы зніжэнне памераў заробку не дапускаецца.

Прыняцце пастановы, як адзначылі ў ведамстве, дазволіць прывесці ўмовы аплаты працы педагагічных работнікаў у адпаведнасць з нормамі прэзідэнцкага ўказа, значна скараціць колькасць нарматыўных прававых актаў, якія рэгулююць гэтыя пытанні, а таксама ажыццяўляць пры дапамозе стымулюючых выплат дыферэнцыяцыю аплаты працы работнікаў у залежнасці ад вынікаў іх працы.

Таксама прадугледжваецца магчымасць пашырэння самастойнасці кіраўнікоў арганізацый па ўсталяванні памераў аплаты працы асобных катэгорый работнікаў і вызначэння парадку выплат стымулюючага характару.

Зменіцца сістэма аплаты працы педагагічных работнікаў ужо з 1 студзеня 2020 года.

Стужка навiн
0