Візавы цэнтр Літвы ў Мінску прыпыніў прыём заяў

© Photo : МЧС Беларуси Столь у памяшканні візавага цэнтра
 Столь у памяшканні візавага цэнтра - Sputnik Беларусь
Падпісацца
Аб тэрмінах аднаўлення паўнавартаснай працы ў візавым цэнтры пакуль не паведамляюць.

МІНСК, 24 ліп - Sputnik. Візавы цэнтр Літвы ў Мінску часова спыніў прыём заяўнікаў, паведамілі ў сераду ў арганізацыі.

Надзвычайнае здарэнне адбылося ў візавым цэнтры Літвы ў Мінску, размешчаным у ГЦ Galileo, у першую палову дня ў сераду: адбылося абвальванне падвеснай столі. У выніку інцыдэнту ніхто не пацярпеў.

"Просім звярнуць вашу ўвагу, што візавы цэнтр Літвы часова не бярэ заяўнікаў да наступнага паведамлення. Прыносім свае прабачэнні за дастаўленыя нязручнасці", - паведамляецца на сайце візавага цэнтра.

На даведачнай лініі візавага цэнтра не змаглі паведаміць аб тэрмінах аднаўлення работы. Пры гэтым там адзначылі, што забраць пашпарты з ужо гатовымі візамі ў цэнтры можна. Што рабіць тым, хто мае запіс на падачу на сераду або бліжэйшыя дні, пакуль таксама не паведамляецца.

Прычыны абвальвання столі будуць высвятляць спецыялісты.

Стужка навiн
0