00:47 16 кастрычніка 2019
«Радыё Sputnik»
  • USD2.05
  • EUR2.26
  • 100 RUB3.19
Студэнты

Сусветны банк дапаможа палепшыць вышэйшую адукацыю ў Беларусі

© Sputnik / Михаил Воскресенский
Грамадства
Атрымаць кароткую спасылку
1210

Рэалізацыю праектаў у галіне аховы здароўя і адукацыі абмеркаваў намеснік прэм'ер-міністра Ігар Петрышэнка на сустрэчы з прадстаўніком банка.

МІНСК, 19 вер - Sputnik. Мадэрнізацыю вышэйшай адукацыі ў Беларусі абмеркавалі намеснік прэм'ер-міністра рэспублікі Ігар Петрышэнка і кіраўнік прадстаўніцтва Сусветнага банка ў нашай краіне Аляксандр Крэмер, пра гэта паведамілі ў прэс-службе ўрада.

"Падчас сустрэчы абмеркаваныя пытанні рэалізацыі праектаў (...), якія накіраваны на ўдасканаленне ўмоў для навучання дзяцей і моладзі, мадэрнізацыі інфраструктуры ўстаноў адукацыі, ўкаранення ў адукацыйны працэс новых перадавых методык, інавацыйных тэхналогій", - паведамілі ў прэс-службе.

Гаворка ідзе аб рэалізацыі праекта "Мадэрнізацыя сістэмы адукацыі Рэспублікі Беларусь", а таксама аб падрыхтоўцы іншага праекта, прысвечанага мадэрнізацыі сістэмы вышэйшай адукацыі ў краіне.

У прэс-службе падкрэслілі, што ў Беларусі надаецца вялікая ўвага развіццю сістэмы адукацыі, якая з'яўляецца найважнейшым фактарам для развіцця ўсіх галін эканомікі.

Ігар Петрышэнка і Аляксандр Крэмер адзначылі, што ва ўрада Беларусі і Сусветнага банка атрымалася выбудаваць канструктыўнае ўзаемадзеянне, бакі зацікаўлены ў далейшым умацаванні і развіцці супрацоўніцтва.

Адзначаецца таксама, што ўдзельнікі сустрэчы разгледзелі і шэраг пытанняў аб сумесных дзеяннях па рэалізацыі праграм у галіне аховы здароўя.

Праекты Сусветнага банка і ўрада Беларусі ў сацыяльнай сферы за апошнія гады перавысілі 300 мільёнаў долараў. Сярод сацыяльных праектаў, што рэалізуюцца ў рэспубліцы, - рамонт сельскіх школ, мадэрнізацыя ўстаноў адукацыі і аснашчэнне іх абсталяваннем, а таксама мадэрнізацыя сістэмы аховы здароўя.

Тэги:
Адукацыя, Сусветны банк, Беларусь

Галоўныя тэмы