22:30 14 снежня 2019
«Радыё Sputnik»
  • USD2.10
  • EUR2.35
  • 100 RUB3.36
Вучні ў сталоўцы

Цяпер і па законе: школьнікаў будуць карміць аднолькавымі абедамі

© Sputnik / Кирилл Каллиников
Грамадства
Атрымаць кароткую спасылку
810

Абурэнне прэзідэнта на пачатку верасня выклікаў факт наяўнасці рознага харчавання для дзяцей, якія атрымліваюць еду за кошт бюджэту і для тых, чые абеды аплачваюць бацькі.

МІНСК, 17 кас - Sputnik. Урад Беларусі замацаваў патрабаванне вызначаць для ўсіх школьнікаў адзіныя па наборы страў і кошце рацыёны харчавання ў школах, адпаведная норма замацаваная ў пастанове ад 14 кастрычнiка №694 "Аб арганізацыі харчавання навучэнцаў".

Школьнае харчаванне выклікае шмат нараканняў як сярод бацькоў, так і чыноўнікаў. Пасля нядаўняга патрабавання прэзідэнта карміць усіх дзяцей аднолькава Камбінаты школьнага харчавання аператыўна распрацавалі новыя меню. Цяпер жа патрабаванне замацавана і заканадаўча.

Так, у абноўленым палажэнні аб арганізацыі харчавання навучэнцаў зафіксавана неабходнасць распрацоўваць "рацыёны харчавання, адзіныя па наборы страў і кошце, у залежнасці ад узросту (6-10 гадоў, 11-13 гадоў, 14-17 гадоў) для навучэнцаў, якім прадугледжана харчаванне за кошт сродкаў рэспублiканскага i (або) мясцовых бюджэтаў, а таксама за кошт сродкаў законных прадстаўнікоў навучэнцаў".

У дзеючым да сённяшняга дня палажэнні фармулёўка была больш расплывістай, з-за чаго школы маглі мяняць колькасць страў або іх кошт. "... дзённыя рацыёны харчавання, адзіныя для навучэнцаў, якім прадугледжана харчаванне за кошт сродкаў рэспубліканскага і мясцовых бюджэтаў, а таксама за кошт сродкаў бацькоў ці іншых законных прадстаўнікоў", - было пазначана ў дакуменце.

Адкуль такая ўвага?

Прэзідэнт Аляксандр Лукашэнка 2 верасня падчас наведвання сталоўкі школы №93 у Мінску звярнуў увагу на тое, што навучэнцы розных катэгорый харчуюцца па-рознаму: у прыватнасці, дзеці ільготных катэгорый не мелі права выбару страў.

Ён запатрабаваў урэгуляваць пытанне і зрабіць харчаванне для ўсіх вучняў аднолькавым.

"Дзеці павінны быць усё ў роўных умовах. Не ганьбіце. Гэта дурасць, якую я чую ў першы раз. Абавязкова ў роўных умовах!" - запатрабаваў кіраўнік дзяржавы.

Пастанова ўрада, якая замацоўвае новыя патрабаванні да харчавання, уступіла ў сілу пасля афіцыйнага апублікавання.

Тэги:
харчаванне, дзеці, Школа, Беларусь

Галоўныя тэмы