Патрыятычны праект "Лічбавая зорка" запусцяць да 9 мая ў 2020 годзе

© Sputnik / Виктор ТолочкоСтаршыня Моладзевай палаты пры Парламенцкім сходзе Беларусі і Расіі Аляксандр Лук'янаў
Старшыня Моладзевай палаты пры Парламенцкім сходзе Беларусі і Расіі Аляксандр Лук'янаў - Sputnik Беларусь
Падпісацца
Саюзныя парламентарыі адзначаюць важнасць развіцця маладзёжнай палітыкі і патрыятычнага выхавання маладога пакалення Саюзнай дзяржавы Беларусі і Расіі.

МІНСК, 24 кас - Sputnik. Маладзёжная палата пры Парламенцкім сходзе Беларусі і Расіі рыхтуе да запуску маштабны патрыятычны праект "Лічбавая зорка", плануецца што ён пачне працаваць у 2020 годзе, паведаміў журналістам у чацвер у Мінску старшыня Моладзевай палаты Аляксандр Лук'янаў.

Прэс-сакратар Прэіздэнта РФ Дзмітрый Пяскоў - Sputnik Беларусь
Беларусь і Расія знаходзяцца на прасунутым узроўні інтэграцыі – Пяскоў

Сёння праект быў прэзентаваны на пастаянна дзеючым семінары пры Парламенцкім сходзе Саюза Беларусі і Расіі на тэму "Актуальныя пытанні супрацоўніцтва дзвюх краін у галіне культурнай і сацыяльнай палітыкі".

Семінар праходзіць у Мінску ў Доме Масквы. Задача праекта - збор інфармацыі аб памятных месцах і ваенных пахаваннях на партале "Лічбавая зорка", які даступны і ў мабільнай версіі.

"Запуск нашага праекта "Лічбавая зорка" намечаны на 2020 год. Да 9 мая мы плануем выйсці з досыць сур'ёзным аб'ёмам інфармацыі", - распавёў журналістам Аляксандр Лук'янаў.

Паводле яго слоў, карыстальнік можа зарэгістравацца на партале і далей самастойна алічбаваць дадзеныя аб памятных месцах.

Лук'янаў адзначыў даволі вялікую цікавасць да гэтага праекту з боку маладых людзей як у Беларусі, так і ў Расіі.

"Мы плануем актывізаваць і кансалідаваць моладзь Беларусі і Расіі. Вельмі важна, каб ахоп быў максімальным. Мы не абмяжоўваемся Саюзнай дзяржавай", - сказаў кіраўнік Маладзёжнай палаты.

Праводзячы прэзентацыю праекта на семінары ў Мінску, Лук'янаў адзначыў важнасць супрацоўніцтва дзвюх краін у галіне культурнай і сацыяльнай палітыкі.

У сваю чаргу дэпутат ніжняй палаты беларускага парламента, член Камісіі Парламенцкага сходу па сацыяльнай і маладзёжнай палітыцы, навуцы, культуры і гуманітарных пытаннях Аксана Няхайчык у размове з журналістамі дадала, што падобныя семінары - яшчэ адна магчымасць падзяліцца вопытам у пытаннях развіцця культуры, навукі і адукацыі, знайсці агульныя падыходы для дзвюх краін.

"Семінар, спадзяюся, дасць магчымасць убачыць іншыя кірункі дзейнасці, каб узаемадзеянне было яшчэ больш канструктыўным, эфектыўным", - сказала яна. На думку дэпутата, трэба больш папулярызаваць культурныя каштоўнасці, развіваць маладзёжную палітыку.

Стужка навiн
0