Мінздароўя: захворванне на ВРВІ напалову ніжэй, чым у мінулым сезоне

© Sputnik / Александр Кондратюк / Перайсці ў медыябанкСезонны рост захворвання на грып і ВРВІ
Сезонны рост захворвання на грып і ВРВІ - Sputnik Беларусь
Падпісацца
Урачы раяць не баяцца новага каронавіруса: ён менш заразны, чым той жа грып. Акрамя таго, пакуль ён зафіксаваны ў малой колькасці краін.

МІНСК, 24 сту - Sputnik. Захворванне на ВРВІ ў Беларусі напалову ніжэй, чым у мінулым сезоне, заявіла ў пятніцу журналістам замглавврача Рэспубліканскага цэнтра гігіены, эпідэміялогіі і грамадскага здароўя Ірына Глінская.

Клініка-дыягнастычная лабараторыя - Sputnik Беларусь
Міністр аховы здароўя: мы зможам вызначаць новы каронавірус

Павелічэнне захворвання на вострыя рэспіраторныя вірусныя інфекцыі (ВРВІ) і грып звычайна прыпадае на канец студзеня - пачатак лютага.

"У цэлым захворванне на ВРВІ ў краіне стабільнае, напалову ніжэй, чым у мінулым сезоне. Гэта вынік прышчаплення, якое было праведзена ў мінулым годзе", - заявіла Глінская журналістам.

Нагадала прадстаўнік цэнтра і аб метадах прафілактыкі ВРВІ: трэба пазбягаць кантактаў з хворымі, выконваць правілы гігіены. Пры звароце да ўрачоў пасля вяртання з-за мяжы пра гэта трэба паведамляць медыкам - каб яны маглі лепш дыферэнцаваць дыягназ.

Беларускія ўрачы таксама раяць не баяцца новага каронавіруса. Пакуль яго распаўсюджванне не такое маштабнае. Акрамя таго, падкрэсліваюць спецыялісты, ён куды менш заразны, чым той жа грып.

Стужка навiн
0