Беларускі фатограф Таццяна Ткачова ўвайшла ў шорт-ліст World Press Photo

© Photo : Татьяна Ткачова / World Press PhotoБеларускі фатограф Таццяна Ткачова ўвайшла ў шорт-ліст World Press Photo
Беларускі фатограф Таццяна Ткачова ўвайшла ў шорт-ліст World Press Photo - Sputnik Беларусь
Падпісацца
Лаўрэат конкурсу Сценіна 2018 года, фатограф з Мінска, яна прадставіла на конкурс сваю новую працу, прысвечаную беларускам, якія адважыліся на аборт.

МІНСК, 25 лют - Sputnik. Фатограф з Беларусі Таццяна Ткачова ўвайшла ў шорт-ліст вядучай фотапрэміі свету - World Press Photo-2020. Журы 63-га па ліку конкурсу выбрала яе серыю - "Паміж правам і сорамам", - у намінацыі "Партрэты".

финалистка международного фотоконкурса имени Андрея Стенина 2018, белорусский фотограф Татьяна Ткачева - Sputnik Беларусь
Радыё
Ткачова: праца фатографаў-фрылансераў у Беларусі не надта наладжана

У 2018 годзе экзістэнцыйная фотагісторыя Ткачовай аб 91-гадовай жыхарцы горада Валожына ў Беларусі - "Сезоны Веры", заваявала срэбра на Міжнародным конкурсе фотажурналістыкі імя Андрэя Сценіна ў намінацыі "Партрэт. Герой нашага часу".

Новы фотапраект Ткачовай, які ўвайшоў у шорт ліст World Press Photo ў гэтым годзе, прысвечаны беларускам, якія адважыліся на аборт.

© Photo : Татьяна Ткачова / World Press PhotoФотапраект Таццяны Ткачовай "Паміж правам і сорамам" - аб беларусках, якія адважыліся на аборт
Беларускі фатограф Таццяна Ткачова ўвайшла ў шорт-ліст World Press Photo - Sputnik Беларусь
Фотапраект Таццяны Ткачовай "Паміж правам і сорамам" - аб беларусках, якія адважыліся на аборт

Беларускае заканадаўства аб абортах - адно з самых ліберальных у Еўропе. Тым не менш, многія жанчыны не хочуць прызнаваць, што перапынілі цяжарнасць. Штогод праводзяцца кампаніі супраць абортаў, і для многіх жанчын такое рашэнне суправаджаецца пачуццём сораму. У праекце Ткачовай, які складаецца з дзесяці фотаздымкаў, яны распавядаюць свае гісторыі.

© Photo : Татьяна Ткачова / World Press PhotoУ фотапраекце 10 гераінь, у кожнай свая гісторыя: трагедыя ў Чарнобылі, гвалт, ранняя цяжарнасць, цяжкія роды, дыябет, страх застацца адной, здрада мужа, матэрыяльныя цяжкасці
Беларускі фатограф Таццяна Ткачова ўвайшла ў шорт-ліст World Press Photo - Sputnik Беларусь
У фотапраекце 10 гераінь, у кожнай свая гісторыя: трагедыя ў Чарнобылі, гвалт, ранняя цяжарнасць, цяжкія роды, дыябет, страх застацца адной, здрада мужа, матэрыяльныя цяжкасці

World Press Photo - найбуйнейшая і самая прэстыжная штогадовая прэмія ў галіне фотажурналістыкі. У 2020 годзе яе незалежнае журы назвала 44 пераможцаў сярод больш чым 4 тысяч удзельнікаў з 125 краін. Усяго на WPP-2020 годзе было пададзена каля 74 тысяч фотаздымкаў. Пратэстны рух і ролю моладзі ў змене свету сталі галоўнымі тэмамі работ, якія ўвайшлі ў шорт-ліст. У топе тэм таксама тэмы экалогіі і захавання навакольнага асяроддзя.

World Press Photo-2020 назаве прызавыя месцы на цырымоніі ўзнагароджання 16 красавіка ў Амстэрдаме. 17 - 18 красавіка там жа стартуе фотафестываль пераможцаў прэміі.

Стужка навiн
0