Чатыры радкі пра вайну: праект #СтраницыПобеды прадстаўляе постар-паэму

© Photo : RTЧатыры радкі пра вайну: праект #СтраницыПобеды прадстаўляе постар-паэму
Чатыры радкі пра вайну: праект #СтраницыПобеды прадстаўляе постар-паэму - Sputnik Беларусь
Падпісацца
Новы раздзел у праекце RT, прысвечаным будучаму 75-годдзю перамогі ў Вялікай Айчыннай вайне, злучыць плакаты вядомага расійскага мастака Пятра Банкова з вершамі і песнямі ваенных і пасляваенных гадоў.

Серыя аўтарскіх плакатаў Пятра Банкова атрымала назву "Чатыры радкі пра вайну": гэта спалучэнне выразнай сучаснай графікі і правераных часам радкоў, у якіх востра адчуваецца трагедыя Вялікай Айчыннай і маштаб гэтай вайны.

#ПочтаПобеды: абаронца Сталінграда Барыс Шапашнікаў чакае вашых лістоў - Sputnik Беларусь
Відэа
#ПочтаПобеды: абаронца Сталінграда Барыс Шапашнікаў чакае вашых лістоў

Першыя постары серыі прысвечаны паэзіі Канстанціна Сіманава, вершы якога савецкія салдаты і афіцэры часта перапісвалі ад рукі, каб адправіць дадому. Першы постар прысвечаны знакамітаму вершу "Чакай мяне"; аўтарскае ўступленне напісаў сын паэта, Аляксей Сіманаў.

"З аднаго боку, партрэты ў постарах - гэта зборны вобраз людзей, якія жылі і паміралі падчас той страшнай вайны. З іншага - кожны постар як бы распавядае асабістую гісторыю асобнага чалавека праз радкі вершаў, якія захоўваюць нешта вельмі сакральнае", - распавёў аўтар ідэі Кірыл Карновіч-Валуа.

"Магчыма, хтосьці нават разглядзіць ў гэтых партрэтах сваіх бабуль, дзядуль, бацькоў, маці. Мне здаецца, талент і майстэрства мастака Банкова змаглі так эмацыйна змацаваць агульнае і прыватнае - разам", - дадаў Карновіч-Валуа.

Раней каманда праекта #СтраницыПобеды прадставіла VR-прысвячэнне ахвярам Халакосту: фільм "Урокі Аўшвіца" быў створаны на аснове прац маскоўскіх школьнікаў, якія наведалі былы канцлагер у польскім горадзе Асвенцым. Яшчэ адна серыя работ у віртуальнай рэальнасці аб'яднае сучасных мастакоў і дзяцей блакаднага Ленінграда. Малюнкі 1941-1944 гадоў ажываюць на старонцы праекта ў Facebook.

Далучайцеся да #СтраницыПобеды ў Instagram, на YouTube, ва "УКантакце" і сачыце за пагадзіннай хронікай апошніх месяцаў вайны ў Twitter.

Стужка навiн
0