14:22 09 красавіка 2020
«Радыё Sputnik»
  • USD2.55
  • EUR2.77
  • 100 RUB3.37
Грамадства
Атрымаць кароткую спасылку
Успышка каронавіруса з Уханя (270)
4910

Самалёт ляцеў з беларускай сталіцы ў Нур-Султан, але яго адправілі ў Караганду. На борце апынуліся дзве заражаныя жанчыны.

МІНСК, 20 сак - Sputnik. Міністэрства аховы здароўя Казахстана заявіла, што пасажыры рэйса Мінск - Караганда здалі станоўчы тэст на каронавірус, паведамляе Sputnik Казахстан.

Раніцай 20 сакавіка Казахстан абвясціў пра пяць новых выпадкаў заражэння COVID-19.

"Па Карагандзе - два выпадкі. Гэта пасажыры рэйса 0324 Мінск - Караганда. Першы - 1971 года нараджэння, другі - 1972 года нараджэння", - заявіў афіцыйны прадстаўнік міністэрства аховы здароўя Дыяс Ахметшарып.

Ён дадаў, што ў Алмаце зафіксавана таксама тры выпадкі, два з якіх завезеныя (з Германіі і Францыі).

Паводле інфармацыі Sputnik Казахстан, самалёт з Мінска прызямліўся ў Карагандзе 18 сакавіка. На борце лайнера знаходзіліся 67 чалавек. Па прылёце ўсе пасажыры былі змешчаны на каранцін.

Нагадаем, з 16 сакавіка па 15 красавіка ў Казахстане дзейнічае надзвычайнае становішча з-за распаўсюджвання каронавіруснай інфекцыі. Напярэдадні ў Нур-Султане і Алматы ўлады ўвялі карантын. Вакол гарадоў выстаўлены блокпасты, якія абмежавалі рух транспарту. Службу на іх нясуць паліцэйскія, супрацоўнікі нацгвардыі, вайскоўцы і медыкі.

На раніцу пятніцы ў краіне зарэгістравана 49 пацверджаных выпадкаў каронавіруснай інфекцыі: 25 - у Нур-Султане, 22- у Алмаце і два - у Карагандзе.

Чытайце таксама:

Тэмы:
Успышка каронавіруса з Уханя (270)
Тэги:
Беларусь, Казахстан, каронавірус

Галоўныя тэмы